Sunday, December 15, 2019
Home > ዜና > ዛሬ ፍ/ቤት ግቢ ውስጥ፣ችሎት በር ላይ ያጋጠመ ነው።

ዛሬ ፍ/ቤት ግቢ ውስጥ፣ችሎት በር ላይ ያጋጠመ ነው።

ዛሬ ፍ/ቤት ግቢ ውስጥ፣ችሎት በር ላይ ያጋጠመ ነው።

የዚህ እስረኛ እና የልጁ መገናኘት ሰቀቀን መሆኑን ከጀርባ የቆሙት ፌደራሎች ፊት ላይ ማንበብ ይቻላል ።

አባትዋ እጁ በብረት ታስሯል ። እሱ እሷን ለማየት ዝቅ ብሎ ልጅ ግን ዓይኗ አባቷ ላይ የታሰረውን ብረት ነው የሚያየው ። ይቺ ልጅ ብዙ ጥያቄ አላት ። ለምን ? እንዴት? ምን አድርጎ ብላ ጭንቅላትዋን በጥያቄ ታስጨንቃለች። አባትስ ምን ይላታል ? እንዴትስ ያስረዳታል ? ዝቅ ብሎ ዓይኗን ወደ ዓይኑ ወደ ዓይኑ እንድትመልስ ከማድረግ ውጭ ።

ህፃናቶች ምንም አያውቁም ። ምስኪኖች ንጹሀን ናቸው ። ይህ ትይንት ግን ዘላለም ከጭንቅላትዋ እንሰማይወጣ ነው ።

አባት ናፍቆቱ ልጁ ላይ ነው።ሆዱ ግልብጥብጥ ብሎ እያነባ የልጁን ዓይን ዓይን ያያል።ልጅ አባቷ እጅ ውስጥ የገባው ካቴና ላይ ዓይኗ ተተክሏል።በሕፃን አእምሮዋ ምን እንደምታስብ፣ለሊት እንዴት እንደምትቃዥ፣የጓደኞቿን አባቶች ስትመለከት ምን ሊሰማት እንደሚችል ገምቱ።ይህ የአባቷን እጅ ያነቀ ብረት ምን ያህል መንፈሷን ይሰብረው ይሆን?በፍ/ቤት ግቢ ውስጥ፣ችሎት በር ላይ፣ለዚያውም በሁለት አጃቢ ታጅቦ ብቻውን የመጣን ታራሚስ እንዲህ በካቴና መቀፍደድ ምን አይነት አያያዝ ነው? አባት ካቴናው ወልቆለት የልጁን ፀጉር አሸት፣አንገቷን አቀፍ ቢያደርግ ምን ነበረበት?

Leave a Reply

This site uses Akismet to reduce spam. Learn how your comment data is processed.