Tuesday, June 25, 2019
Home > ዜና > አሻጥረኛው ማነው!?

አሻጥረኛው ማነው!?

በዶ/ር አብይ ወደ ጠቅላይ ሚኒስትርነት መምጣትና ከመጡ በሁዋላ እየወሰዱት ያለው በጎ እርምጃዎች ተቁዋማዊ መሰረት ሳይጣልባቸው ጭምር ሕወሓቶች ሲቃወሙ ቆይተዋል። የመቀሌው የግንቦት 20 /2010 የ27ተኛ ዓመት ስብሰባ ዋና ዓላማ ለውጥ ደጋፊ የሆነውን ሀይል መክሰስ ነው። የስዩም መስፍን ፉከራ፣የዶ/ር ደብረጺዮን ቃለ መጠይቅ እና የሳሞራ ክስ በየራሳቸው የሚናገሩት የቡድን ሴራ እንዳለ ጠቁዋሚ ነው።

ዶ/ር አብይና ለውጡን የሚደግፈው ሀይል አስቀድሞም በኔትዎርክ የተሳሰረውን አቶ ሀይለማርያምን ሲጋልብ የነበረው ሀይል ዛሬም ከፌደራል እስከ ክልል ስልጣን ላይ እስካለ ድረስ ጤና የለም። የፓለቲካ እስረኞቹን በከፊል መፍታት እና በጎ ንግግሮችንና መልካም ዲፕሎማሲያዊ ተግባራትን የፈጸሙት ዶ/ር አብይ በአገሪቱ ቀስ በቀስ አድማሱን እያሰፋ የመጣውን ግጭት ለማስቆም አስቀድሞ ባለፉት 27 ዓመታት ሕዝብን ከሕዝብ እያጋጨ በስልጣን ላይ የቆየውና ዛሬም ጥፋት ለማድረስ የሚራወጠው ሀይል ሰሞኑን አቶ ለማ መገርሳ እንደጀመሩት ማጥራት ካልተፈጸመ በቀር በአማራ ተወላጆች ላይ ብለን ሳንጨርስ በሱማሌ፣በሐረሪ ፣በጌድዎ፣በወልቂጤ እና ዛሬ በአዋሳ በሲዳማና ወላይታ መካከል የሚታየው ብሔር ተኮር ግጭት ለምን በዚህ ወቅት እንደ አዱስ ብሎ መመርመር ይገባል። በዚህ መሰሉ እርምጃ 27 ዓመት ወደቆየንበት ለመመለስ የሚደረግ ማተራመስ ከሕወሓትና አባሪዎቹ ውጭ ነው ብሌ ለመገመት ያለው እድል አነስተኛ ነው። የእነ ዶ/ር አብይ ትኩረት አገሪቱን በእርስ በእርስ ግጭት ለመናጥ እየተካሄደ ያለውን እንቅስቃሴ መግታት ላይ ጭምር ይሁን ።

Leave a Reply

This site uses Akismet to reduce spam. Learn how your comment data is processed.