Sunday, December 15, 2019
Home > ዜና > ግልፅ ደብዳቤ ለመላው የኢትዮጵያ ህዝብ

ግልፅ ደብዳቤ ለመላው የኢትዮጵያ ህዝብ

ጉዳዩ – ገዳዩን ፣ አስገዳዩን ፣ ተፈናቃይ አፈናቃዩን ያመለክታል።

።።።።

የተከበርክ ፣ የተከባበርክ ፣ ዘር ሳትመርጥ የተዋለድክ ፣ በደምና በመንፈስ የተሳሰርክ ፣ ባለ ብዙ ታሪክ የሆንክ የኢትዮጵያ ህዝብ ሆይ ለሰላምህ ፣ ለነፃነትህ ፣ ለአንድነትህ እንደምን አለህ? እኔ ላንተ አንድነት ፣ ነፃነት ፣ ሰላምና ጤና ከመፀለይና ከመመኘት ውጪ ደህና ነኝ። እንደሚታወቀው ዶክተር አብይ ወደ ስልጣን ከመጣ በኋላ በየቦታው የሚፈፀሙ አሳዛኝ ነገሮች ፣ የህዝቦች መፈናቀል ወዘተ እኩይ ተግባሮች ከምን ግዜውም በላይ እየተበራከቱ መጥተዋል።

የኢትዮጵያ ህዝብ ሆይ እነዚህ እኩይ ተግባሮች በአንድ ጊዜ እየተበራከቱ መምጣታቸው አጋጣሚ ይመስልሃል? ወይስ ረዥም አመት የተሰራባቸው ስለሆኑ? ረዥም አመት ስለተሰራባቸው ከሆነ ለምን በአብይ ጊዜ ገሀድ ወጡ? አጋጣሚ ከሆኑስ ለምን ተበራከቱ? ጠቅላይ ሚኒስቴሩስ ለምን ዝምታን አበዙ ? ወታደሩ ሳይታዘዝላቸው ቀርቶ ይመሥልሃል? እንደኔ እንደኔ ወታደሩ በተገቢው ይታዘዝላቸዋል። ዋናው ጥያቄ ለምን ዜጎች እያለቁ እየተፈናቀሉ እየተዘረፉ ዝምታን መረጡ? የሚለው ነው? እንደሚታወቀው ዶክተር አብይ ወደስልጣን ሲመጡ ሁላችንም በደስታ ተቀብለናቸዋል።እምነትም ጥለንባቸዋል። እንደኔ እንደኔ በየቦታው የሚታዩ እኩይ ተግባሮች የተበራከቱ ለውጡን ባልፈለጉ አካሎች ሳይሆን ለውጡን ምክንያት በማድረግ ስልጣን ለመያዝ ባሰፈሰፉ አካሎች ነው። እነዚህ አካሎች ደሞ ስልጣን ለመያዝ ዶክተር አብይ በህዝቡ ዘንድ ያለውን ተቀባይነት እና እምነት የግድ መናድ ይጠበቅባቸዋል።

በዚህም ምክንያት በየቦታው ረብሻ እያስነሱ የዶክተር አብይን መንግስት ወደ መግደል እንዲሸጋገር የመገፋፋት ስራ እየተሰራ ይመስለኛል። መግደል ሲጀምር ደሞ “ዶክተር አብይ አስገደለህ” ብለው ህዝቡን ሊያሳምፁበት ፣ በህዝ ዘንድ ያለውን ተቀባይነት ሊያሳጡት ፣ ህዝቡ በሱ ላይ እምነት እንዳይኖረው አድርገው ራሳቸውን እንደብቸኛ መፍትሔ አድርገው ስልጣን የመቆናጠጥ ጥማቸውን ሊያሳኩበት ነው እየተፈታተኑን ያሉት ብዬ አስባለሁ። እሱም ይህን ሴራ ስለሚያውቅ ይሆናል ትእግስቱን ያበዛው ስል እገምታለሁ።

የኢትዮጵያ ህዝብ ሆይ አሁን ያለው እኩይ ተግባር ያመጣው አንተው ለዶክተር አብይ በሰጠኸው ድጋፍ እና እምነት ነው። ለለውጡ ያለህ ተስፋ ነው። ብዬ አምናለሁ። ይህንን ድጋፍህን እንድትተው ፣ የወደድከውን እንድትጠላ ፣ ያመንከውን እንድትክድ የሚይፈልጉ አካሎች ለውጡ የሰጠውን ነፃነት ተጠቅመው ወደ ስልጣን ለመምጣት እዚህም እዚያም ነውጥ እየፈጠሩ የዶክተር አብይ መንግስት እንድትጠላው ወደ ምትጠላው መግደል እንዲገባ እየገፋፉት ነው። የነዚህ የፖለቲከኞች ቁማር መጫወቻ ከመሆን ራስህን ጠብቅ። ድጋፍህን ቀጥል። የዶክተር አብይ እንከን የለሽ ሀሳብ እንዲሳካ አብረኸው ተሰለፍ። በሱ ላይ ያለህ እምነት እንዲሸረሸር ሆን ተብሎ እየተሰራብህ ስለሆነ እምነትህን አጥብቀህ ከጎኑ ቁም። አንድነትህን አግዘው።

ነፃነትህን እርዳው።ኢትዮጵያህን አድን። ስል በታናሽነት እመክርሃለሁ። “የታናሹን ምክር የሚሰማ ታላቅ ነው።” ብለኸኝ የለ?! በቃ ይህ እድል ሳያመልጥህ ከዶክተር አብይ ጎን ቁም።

Leave a Reply

This site uses Akismet to reduce spam. Learn how your comment data is processed.