Tuesday, June 25, 2019
Home > ዜና > ሳይበሩን እያጨናነቀ ያለውን የ LTV ቃለመጠይቅ ተመለከትኩት

ሳይበሩን እያጨናነቀ ያለውን የ LTV ቃለመጠይቅ ተመለከትኩት

በቬሮኒካ መላኩ

ሳይበሩን እያጨናነቀ ያለውን የ LTV ቃለመጠይቅ ተመለከትኩት ። ቃለመጠይቁ ሲያልቅ የአብን መሪ የሆነውን ዶ/ር ደሳለኝ ጫኔን በፊት ከማደንቀው የበለጠ አድናቆቴ ጨመረ። ሊቀመንበሩ ምሁርነትን ከፖለቲካ መሪነት ጋር አጣምሮ የያዘ መሪ ነው። ትሁትና ትእግስተኛ ነው ። ተንኳሽ ጥያቄ ቢቀርብለትም ንዴት በፊቱ ላይ በፍፁም አይንፀባረቅም።

በመሰረቱ የፖለቲከኛ (Poltician) እና መሪ (Statesman) በጣም የተለያዩ ነገሮች ናቸው ።አውስቲን ኦማሊ The political and statesman በተባለ መፅሀፉ ” የመሪነት ብቃት ያለው ሰው የበጉን ፀጉር ይሸልታል። የፖለቲካ ሰው ደሞ በቁሙ የበጉን ቆዳ ይገፍፋል።” ይላል።

ዶ/ር ደሳለኝ ጫኔ አእምሮው በትምህርት የታነፀ ባህሪው በጨዋነት የተገነባ መሪ እንጅ እንደ ጃዋር መሀመድ በጉን ከእነቆዳው በሜንጫ በቁሙ ለመግፈፍ የሚሞክር ፖለቲከኛ አይደለም።

አማራ እንደዚህ ደሳለኝ ጫኔ ያሉ የመሪነት ችሎታ ያላቸው በብዙ ሺህ የሚቆጠሩ ልጆች ስላሉት እኮራለሁኝ።

ጋዜጠኛዋን በተመለከተ የሚዲያው ሞቲቭ ፣ ሚዲያውን ማን ያንቀሳቅሰዋል? የግለሰቧ ኢንቴንት እንደተጠበቀ ሆኖ ጋዜጠኛዋ ስቴቭን ሳከርን ለመሆን ፕላን አድርጋ የማራቶን ሩጫ የጀመረች ጋዜጠኛ ነችና በአትሌት ቱርቦ ቱሞ ቋንቋ ማሸማቀቅ አያስፈልግም።

ባይሆን ለጋዜጠኛዋ ያለኝ አጠር ያለ ምክር ” ከምላስ ሰንበሩ ቀነስ አድርገሽ የአንጎል ጅምናስቲክ እንድትሰሪ ትመከሪያለሽ ። ” የሚል ነው። ለአንጎል ጅምናስቲክ የሚያስፈልገው በሳምንት የተመረጠ አንድ መፅሀፍ ማንበብ በቂ ነው።

በአጭሩ ይህው ነው።

Leave a Reply

This site uses Akismet to reduce spam. Learn how your comment data is processed.