Tuesday, June 25, 2019
Home > ዜና > ኦዴፓ ህወሃት ለውጡን እንዳልተቀበለ ጠንካራ አስተያየት ሰንዝሮአል

ኦዴፓ ህወሃት ለውጡን እንዳልተቀበለ ጠንካራ አስተያየት ሰንዝሮአል

ሃዋሳ በመካሄድ ላይ ባለው ጉባኤ አቶ ደመቀ መኮንን በርካታ ጥያቄዎችን አንስተዋል። የወልቃይትና ራያ ጥያቄ፣ የሱዳን ድንበር ጉዳይ፣ የለውጡ ቀጣይነትና የአማራ ህዝብ ፍላጎት፣ ለውጡን የማይቀበል ክልል ጉዳይ፣ በአማራ ላይ ያለው አተያይና ትርክት ወዘተ ምክንያትና ስሜትን ባጣጣመ መንገድ ማቅረባቸውን ሰምቻለሁ።

ኦዴፓ የአዴፓን ጥያቄዎች ሁሉ ደግፎ ቆሞአል ። ህወሃት “ውስጣችን እናጥራ፣ ፌደራል መንግስት የዜጎችን መፈናቀል ማስቆም አልቻለም፣ ተዳክሞአል፣ የብሄር ጥያቄ በህገመንግስት ምላሽ አግኝቱዋል” የሚል የተለመደ አስተያየት ከማቅረብ ውጭ ብዙ አልተናገረም።

ኦዴፓ ህወሃት ለውጡን እንዳልተቀበለ ጠንካራ አስተያየት ሰንዝሮአል። ደኢህዴን ብዙ አስተያየት ባይሰጠም በተነሱት ጉዳዮች ላይ የመደገፍ እንጅ የመቃወም አዝማሚያ አላሳየም።

የምክትል ጠቅላይ ሚኒስትርነቱን ቦታ በተመለከተ፣ ህወሃት ቦታው ለሙፍሪያት እንዲሰጥ የውስጥ ለውስጥ ዘመቻ እያደረገ ቢሆንም፣ ኦዴፓና አዴፓ በጋር በመቆማቸው የመሳካቱ እድል አጠራጣሪ ነው። ውጤቱን ግን በእርግጠኝነት መናገር አይቻልም።

ከዚህ ጉባኤ በሁዋላ የአብይ መንግስት የተጠናከረ እርምጃ በመውሰድ የዜጎችን ደህንነት እንደሚያስጠብቅ፣ መፈናቀል እንደሚያስቆምና የዲሞክራሲ ተቋማት ግንባታ እንደሚያስጀምር ተስፋ አደርጋለሁ።

ምኞቴም ፍላጎቴም ይኸው ነው

Leave a Reply

This site uses Akismet to reduce spam. Learn how your comment data is processed.