Wednesday, October 16, 2019
Home > ዜና > ደብረፅዮን ኃላፊነት የሚሰማው ሰው ይመስላል!

ደብረፅዮን ኃላፊነት የሚሰማው ሰው ይመስላል!

ገና ዱሮ መለስ ዜናዊ በሞተ ማግስት በነደብረፅዮንና በነአባይ ወልዱ ቡድን መካከል ሽኩቻ መኖሩ ይሰማ ነበር። ደብረፅዮንን ጨምሮ እንደነአርከበ እቁባይ; ቴወድሮስ አድሃኖምን የመሳሰሉት “moderate” አቋም እንደነበራቸው ተባራሪ ወሬዎች ይደርሱን ነበር። መቼም ተባራሪ ወሬ እኛ ጋር ከመድረሱ በፊት ብዙ ጊዜ ስለሚበጠስና ስለሚቀጠል እንደወረደ መቀበል ያስቸግራል። ያም ሆኖ እኔ እነደብረፅዮን የተጀመረውን የለውጥ ሂደት እንዲያግዙ “መበረታታት” እንዳለባቸው ደጋግሜ ጽፌያለሁ።

እነሆ አሁን ደግሞ ደብረፅዮን በሐዋሳው የኢህአዴግ ጉባኤ ተናገረ የተባለውን ገንቢ ነገር ብዙ ሰዎች እየተቀባበሉ በየገፃቸው እየለጠፉት ነው። ይኸ ሊበረታታ ይገባል። ልዩነቶችን ማጉላትና ውጥረት መፍጠር ለማንም አይጠቅምም። ብሔራዊ አንድነታችንን ሊያጠናክሩ የሚችሉ ነገሮችን ነቅሶ ማውጣትና ገቢውን ዋጋ መስጠት ግን ገንቢና አዋጭ መንገድ ነው። እኔም ከዚህ እሳቤ በመነሳት የደብረፅዮንን ንግግር share ማድረግ ወደድኩ።

<<የኢህአዴግ ስራ አስፈጻሚ ኮሚቴ ያስቀመጣቸው ውሳኔዎች ቢኖሩም በአብዛኛው ባለፉት ስድስት ወራት የተመዘገቡት አለምን ያስደነቁ ውጤቶች ዶ/ር ዓቢይ እንደ መንግስት መሪ የራሱን ፈጠራ፣ ድፍረት፣ ጥበብ እና ሁለንተናዊ የአመራር ብቃት ትጠቅሞ ያመጣው ለውጥ ነው፡፡ ለዚህም ተገቢውን እውቅናና ክብር መስጠት ያስፈልጋል፡፡>> ዶ/ር ደብረጽዮን ገ/ሚካኤል በኡህአዴግ ጉባኤ ላይ ከተናገሩት የተወሰደ

በሞሃመድ አሊ ሞሃመድ

Leave a Reply

This site uses Akismet to reduce spam. Learn how your comment data is processed.