Saturday, December 14, 2019
Home > ዜና > የስንደቃላማን ውዝግብ አስመልክቶ ከEBC የተሰጠ ማብራርያ!

የስንደቃላማን ውዝግብ አስመልክቶ ከEBC የተሰጠ ማብራርያ!

ከቅርብ ጊዜ ወዲህ በኢትዮጵያ ሰንደቅ አላማ ዙሪያ ብዙ ክርክሮች እየተነሱ ነው᎓᎓ ከክርክሮች አልፎም የሃይል እርምጃም እየተወሰደ አንደሚገኝ የኢትዮጵያ ብሮድካስቲንግ ኮርፖሬሽን ምሁራንን የሃይማኖት አባቶችን፣ የፖለቲካ ፓርቲ ተወካዮችን፣ የወጣቶች ተወካዮችን በመጋበዝ ባዘጋጀው መድረክ ላይ ገልፀዋል፡፡᎓᎓

በውይይቱ ከተነሱት ጉዳዮች

• ሰንደቅ አላማው ሲወሰን ህዝቡ አልተወያየበትም፤ መንግስት ከ15 እስከ 16 ሚሊዮን የሚሆን ህዘብ ተወያይቶበታል ቢልም እነማን እንደተወያዩ በግልፅ ስላልተነገረ ሰንደቅ አላማ የውዝግብ መነሻ ቢሆን ሊገርም እንደማይገባ ተወያዮቹ ተከራክረዋል፡፡

• የኢትዮጵያ ሰንደቅ አላማ ከኢትዮጵያ ታሪክ የሚቀዳ ነው፤በመሆኑም ከረጅም ጊዜ ጀምሮ ልሙጥ አረንጓዴ ፣ቢጫ ፣ቀይ ባንዴራ ነው ስራ ላይ መዋል የነበረበት የሚሉ በአንድ ጎራ ፣ እይ እሱ ሁሉንም አይወክልም የሚሉ ደግሞ በሌላ ጎራ ሲከራከሩ ታይተዋል᎓᎓

• ዋናው የክርክር ምንጭ ደግሞ አሁን እያገለገለ የሚገኘው የኢፌዴሪ ሰንደቅዓላማ ነው᎓᎓ ከሰንደቅ ዓላማው መሃል ላይ በሚገኘው አርማ ላይ ዜጎች አልተግባቡበትም፣ መንግስትም በዚህ ጉዳይ ላይ ህዝቡን አላወያየምም ተብሏል᎓᎓

• የሰንደቅ አላማ ጉዳይ በአሁኑ ወቅት የክርክር ምንጭ መሆን አልነበረበትም ᎓᎓አሁን ፊታችንን ወደ ልማት ነበር ማዞር ያለብን፤ ይህን ነገር እልባት መስጠት አለብን᎓᎓የአውሮፓ መንግስታት ተስማምተው በዩሮ መገበያየት ጀምረዋል፤ እኛ ግን በሰንደቅ ዓላማ አዙሪት እንሽከረከራለን የሚል ሃሳብም ተነስቷል᎓᎓

• በአሁኑ መንግስት ሰንደቅ አላማ ከበሬታ ተነፍጎታል የሚል ሃሳብ በተፎካካሪ ፓርቲ ተወካዮቸ ተነስቷል᎓᎓ብዙ የመንግስት ሃላፊዎች ሰንደቅ አላማን ጨርቅ ነው ሲሉ ተደምጠዋል ᎓᎓

• የመፍትሄ ሃሳብ ተብሎ የተነሳው ጉዳይ ህዝቡ ተወያይቶ የሚፈልገውን ሰንደቅ አላማ መምረጥ አለበት ᎓᎓መንግስትም ይህ ጉዳይ እንዲሳካ ሁኔታዎችን ማመቻቸት እንዳለበት በውይይቱ ላይ ተመልክቷል፡፡

• በየዓመቱ መስከረም እንዳለቀ የመጀመሪያው ሰኞ ላይ የሚከበረው የሰንደቅ ዓላማ ቀን በእነዚህ ክርክሮች ዙሪያ አትኩሮ በአደባባይ ሳይሆን በመሰል የውይይት መድረኮች እንደሚከበር የህዝብ ተወካዮች ምክር ቤት መግለፁም ይታወሳል፡፡

በዳዊት በጋሻው

Leave a Reply

This site uses Akismet to reduce spam. Learn how your comment data is processed.