Friday, November 15, 2019
Home > ዜና > የኦሕዴድ – ኦዴፓ ‹‹የተረኝነት›› እሳቤና አደጋው!

የኦሕዴድ – ኦዴፓ ‹‹የተረኝነት›› እሳቤና አደጋው!

በኢትዮጵያ እየተካሔዱ ያሉ ለውጦችን በአንክሮ እንደሚከታተል ሰው ሪፎርሙ እየሔደበት ያለው መንገድ በጊዜ ካልተስተካከል ሁላችንም የማንወጣው የጥፋት አዙሪት ውስጥ መግባታችን የማይቀር ነው፡፡ ለማጣራት እንደሞከርኩት እየተደረጉ ያሉ ለውጦች አብዛኛዎቹ በኢሕአዴግ ደረጃ ስምምነት ላይ የተደረሰባቸው አይመስለኝም፡፡ እንደ አዴፓ ብአዴን ያሉ ፓርቲዎችም የውስጣቸውን ችግር ለመቅረፍ በሚያደርጉት ትግል ከሕወሓት በኩል ያለውን ዳግም ለመነሳት የሚደረግ መፍጨርጨር በመፍራት ኦዴፓ የሚያደርገውን ሁሉ አሜን ብሎ መቀበል ወይም እንዳላዬ ማለፍ የየለት ተግባራቸው ሆኗል፡፡ ኦዴፓም ይችን በሚገባ ስለተረዳ ፍጥነቱ ሁሉ አገራዊ ፖለተካውንና ኢኮኖሚውን መቆጣጠር ላይ ያተኮረ ሆኗል፡፡ አደገኛነቱ ደግሞ ኦዴፓ የሚያከናውነው ሁሉ በተረኝነት መንፈስ እንጅ በፍትኃዊነት ተጠቃሚነት አለመሆኑ ነው፡፡

ከተባበሩት አረብ ኢሜሬትስ የተገኘ ገንዘብ ሙሉ በሙሉ ለጂማና ናዝሬት ኢንዱስትሪ ዞን ግንባታ ማዋልን፣ በደብረ ዘይት ዓለም አቀፍ የአውሮፕላን ማረፊያ ጣቢያ ግንባታን፣ አዲስ አበባና ቤኒሻንጉል የኦሮምኛ ቋንቋን እንደሁለተኛ ቋንቋ ማስተማር መጀመርን፣ ከ46 ሺህ በላይ በሦስት ዙር የሰለጠኑ የኦሮሞ ወጣቶችን በአዲስ አበባ የመሥሪያ ቦታ ለመሥጠት ማቀድን (ኮልፌ ከ1048 በላይ ወጣቶች አሁን ተሰጠቷቸዋል)፣ ወዘተረፈ የመሣሠሉ ሜጋ ፕሮጀክቶች ተወስነው እየተተገበሩ ያሉት በኦዴፓ (ኦሕዴድ) እንጅ እንደኢሕአዴግ በተደረገ ምክክር አይደለም፡፡

ዶክተር ዐቢይ የሚናገረው የኢትዮጵያዊነት ሥነ ልቦና የተቃዋሚ ፓርቲዎችን ለምን ብሎ የመጠየቅ ሞራል የሠበረም ብቻ ሳይሆን ተከላካይ የሚጮኹ ‹‹ውሾችን›› በቀላሉ አላምዷል፡፡ ይህ የተረኝነት ሥነ ልቦና በጊዜ መፍትሔ ካልተበጀለት አደጋው ለኦሮሞ ሕዝብ ጭምር ይሆናል፡፡

Leave a Reply

This site uses Akismet to reduce spam. Learn how your comment data is processed.