Wednesday, October 16, 2019
Home > ዜና > ጠ/ሚ ዶ/ር አብይ በኦነግ ትጥቅ መፍታት ዙሪያ ማምሻውን ማብራሪያ ሰጥተዋል፡፡

ጠ/ሚ ዶ/ር አብይ በኦነግ ትጥቅ መፍታት ዙሪያ ማምሻውን ማብራሪያ ሰጥተዋል፡፡

FBC – የኢፌዴሪ ጠቅላይ ሚኒስትር ዶክተር አብይ አህመድ ከመከላከያ ሰራዊት አባላት ጋር ባደረጉት ውይይት እና በኦነግ ትጥቅ መፍታት አለመፍታት ዙሪያ ማምሻውን ማብራሪያ ሰጥተዋል፡፡

በዚህም ጠቅላይ ሚኒስትሩ ከመከላከያ ሰራዊት አባላት ጋር ባደረጉት ውይይት የተነሱ ነጥቦችን ጠቅሰዋል፡፡

የሰራዊት አባላቱ ከአሁን ቀደም ጥያቄያችንን በየደረጃው ለሚገኙ የአመራር አካላት አቅርበን ምንም ምላሽ በማጣታችን “ለጠቅላይ ሚኒስትሩ ለማሰማት መጥተናል” ማለታቸውን አንስተዋል፡፡

ጠቅላይ ሚኒስትሩም የሰራዊት አባላቱ ያነሱት ጥያቄ ተገቢ መሆኑን አንስተዋል፡፡

እንደ ሌሎቹ የሙያ ዘርፎች የመንግስት ሠራተኞች ጉዳይ ሁሉ በጥናትና በአሰራር ጥያቄ የሚመለስ መሆኑንም ጠቅላይ ሚኒስትሩ ተናግረዋል።

ከዚሁ ጋር አያይዘው ጠቅላይ ሚኒስትር ዶክተር አብይ በኦነግ ትጥቅ መፍታትና አለመፍታት ዙሪያ ዛሬ ማብራሪያ ሰጥተዋል።

በዚህም ትጥቅ ለማንኛውም የፖለቲካ ፓርቲ አያስፈልግም ያሉት ጠቅላይ ሚኒስትሩ፥ አሁን ሀገሪቱ የሚያስፈልጋት አሁን በስራ ላይ ያለውን መንግስት መሞገት የሚችል ሐሳብ ነው ብለዋል።

መንግስት ከዚህ ቀደም ጥሪ ያደረገው ትጥቅ ትግል ማካሄድ ጊዜው የማይፈቅደው አመለካከት ስለሆነ መሆኑንም ገልጸዋል።

ወደ ኢትዮጵያ የገቡ ሁሉም የፖለቲካ ፓርቲዎች ትጥቅ ሳይሆን ባንዲራ እያውለበለቡ መግባታቸውን አንስተዋል።

ኢትዮጵያ ውስጥ በህገወጥ መንገድ የተያዙ የጦር መሳሪያዎች በየቦታው መኖራቸውን የጠቀሱት ጠቅላይ ሚኒስትሩ፥ ወደፊት በህግ አግባብ እንደሚታይ ጠቅሰዋል።

ከኦነግ አመራሮች ጋርም በቀጣይ በቅርበት ተገናኝተው በጉዳዩ ዙሪያ ውይይት እንደሚያደርጉ ነው የገለፁት።

Leave a Reply

This site uses Akismet to reduce spam. Learn how your comment data is processed.