Wednesday, October 16, 2019
Home > ዜና > የኢትዮጵያ አየር መንገድ ግፍ መች ተነግሮ ያልቃል!

የኢትዮጵያ አየር መንገድ ግፍ መች ተነግሮ ያልቃል!

የኢትዮጵያ አየር መንገድ የደብረብርሃኑን አዲስዓለም መኮንንም ‹‹በብቃት ማነስ ነው ያባረርነው›› ብሎ በምጸት እንደማይሳለቅበት ተስፋ እናደርጋለን፡፡ ምክንያቱም አዲሰዓለምን (በፊቶው እንደሚታየው) ራሱ አየር መንገዱ (አቪየሽን አካዳሚው) በማዕረግ ካስመረቀው በኋላ ነው መታወቂያውን ነጥቆ ያባረረው፡፡

ለሚባረሩት ሁሉ ምክንያት አሳምሮ ማቅረብ አይደለም ለአየር መንገዱ ለማንም ቀላል ነው፡፡ በመንግሥትም ደረጃ እንኳን… ሰዎችን ባልዋሉበት ምክንያት እየፈለጉ መክሰስና ከሥራ ማባረር አልፎም አስሮ ማሰቃየት የተለመደና የተሰለቸ የግፍ መፈጸሚያ መሆኑን የማናውቅ ይመስል አስር ምክንያት መደርደር ተቀባይነት የለውም፡፡ ይልቅ ይህን በዓለም የምንመካበትን ተቋም ከዘረኝነት በሽታው ፈውሱት፡፡ ገና ለገና ስኬታማና ስመ ገናና ነው በሚል ገመናውን መሸፋፈን አያስኬድም፡፡

ለማንኛውም… ጉዳዩ ከግለሰቦች ‹‹ኬዝ›› እጅግ ከፍ ስለሚል… መንግሥት የኢትዮጵያ አየር መንገድን አጠቃላይ አሰራርና የሠራተኛ አቀጣጠር/አያያዝ በገለልተኛ ወገን አስመርምሮ ማስተካከያ ቢያደርግ ነው የሚበጀው፡፡ ነገሮችን በሚፈበረኩ ምክንያቶች እያለባበሱ ማለፉ ለተቋሙም ለሀገርም አይጠቅምም፡፡

አይደለም አየር መንገድ የትኛውም ተቋም በብሔር ተዋጽኦ ሳይሆን በትክክለኛው ሳይንሳዊ መመዘኛ በሚለካ አቅም ብቻ መቅጠር እንዳለበት አምናለሁ። ይሁንና…. በአቅም ከቀጠራቸው መሐልም ማንነታቸውን እየለየ የሚያሸማቅቅ ግለሰብም ሆነ ቡድን ካለ ያንን አጣርቶ ማስወገድ ነው መፍትሔው።

በቢዝነስ ስኬታማ መሆን ትርፋማነትን እንጅ ንጽህናንና ፍትሐዊ አሠራርን አያመለክትም። አንዳንዶች ስኬታማነቱን በመተረክ ብቻ ቅዱስ ተቋም ለማድረግ አትሞክሩ።

እስኪ አንዳንድ ጥያቄዎችን እናንሳ፦

አየር መንገዳችን ከ3 በላይ የሌላ ሀገሮችን አየር መንገዶች ከ45%በላይ ድርሻ ገዝቷል። ይህ ማለት የየማኔጅመንታቸውን 45% የሰው ኃይል የማዋጣት መብት አለው እንደማለት ነው። ለመሆኑ እነማን እንዴት ባለ መመዘኛ ለእነዚህ አየር መንገዶች እንደተላኩ ግልጽ ሆኖ ይፋ ተደርጎ ይሆን? እንኳን ሕዝቡ መንግሥትን ያውቀው ይሆን?

በመላኩ አላምረው

Leave a Reply

This site uses Akismet to reduce spam. Learn how your comment data is processed.