Sunday, December 15, 2019
Home > ዜና > “በአቶ ግርማ ዋቄ ላይ የተሰራው ግፍ ብቻ ትልቅ ምስክር”

“በአቶ ግርማ ዋቄ ላይ የተሰራው ግፍ ብቻ ትልቅ ምስክር”

በመስከረም አበራ

የኢትዮጵያ አየር መንገድ የወያኔ ዘረኝነት መራሽ ጥጋብ የት ደርሶ እንደነበር ማሳያ የግፍ ቤት እንደሆነ ሩቅ ሳይኬድ በአቶ ግርማ ዋቄ ላይ የሰራው ግፍ ብቻ ትልቅ ምስክር ነው፨ አቶ ግርማ ዋቄ ሰፊ አለም አቀፍ ልምድ ያላቸው ስልጡን እና አዋቂ መሪ እንደ ነበሩ የአየር መንገዱ ሰራተኛ ሁሉ የሚመሰክርላቸው ነበሩ፨ ግፈኛው ወያኔ እውቀታቸውን መጥምጦ፣ አየር መንገዱን ለማዘመን ላደረጉት ትልቅ ስራ ምስጋና የማቅረቡ ጨዋነት ቢቀርበት እንኳን ከስራ የተባረሩት ለምን እንደሆነ እንኳን በስርዓት ሳይነግራቸው ሪፖርት አቅርብ ብሎ ሪፖርቱን አቅርበው ሲወርዱ ድንገት እንዳሰናበታቸው ለEBS ቴሌቭዥን በሃዘን ገልፀዋል፨

ትልቁን ሰውዬ እንዲህ አቅልሎ ያባረረው ወያኔ በቦታው እንዲቀመጡ ከውጭ ሃገር ያመጣቸው ተንፏቆ ለምኖ እንደ ነበር ራሳቸው ገልፀዋል፨ ይህን ሲገልፁ ፊታቸው ላይ የነበረው ሃዘን ስሜት ይነካል፨ በዚህ ትልቅ ሰው ቦታ የተተካው ተወልደ እስር እስራቸው ሲል የነበረ ዘሩ እውቀት ሆኖ የተቆጠረለት ዘረኛ ነው፨ አየር መንገዱን በገሃድ የአንድ ዘር መፈንጫ አድርጎ የሃሊት የነዳ እፍረተ-ቢስ ዘረኛ ነው፨

ከዛም በፊት ስዬ አብረሃ የተባለ ሌላ ዘረኛ የቦርድ ሰብሳቢ ሆኖ በማይመለከተው ነገር ሳይቀር ዘው እያለ ከዘሩ ያልሆኑትን ሁሉ በተለይ ደግሞ አማሮችን ቁም ስቅል ሲያሳይ እንደኖረ አንድ አይሉ ሶስት አየር መንገዱን የለቀቁ ወዳጆቼ አጫውተውኛል፨ የካፒቴን ሃይለ መድህን ነገርም ለመስሪያቤቱ ማንነት ሌላ ምስክር ነው፨

ኤርሚያስ ለገሰ በሁለተኛው መፅሃፉ በአየር መንገዱ የተተከለውን መራራ የዘረኝነት ስር ስፋት እና ጥልቀት የት እንደሚደርስ በአየር መንገዱ የሚቀጠሩ ሰራተኞች ቀርቶ በመስሪያቤቱ ያሉ ሱቆች ሳይቀሩ ለአንድ ዘር ተወላጆች ለማደል የሚገደረገውን ሃፍረተቢሰ ተራ የዘረኝነት ስራ በደንብ አድርጎ ገልፆታል፨

ዛሬ ካፒቴን ዮሃንስን ከአውሮፕላን አውርዶ አፈር የሚያስገፋው ወያኔዎች በአየር መንገዱ ያቦኩት ዘረኝነት ክርፋት እንደሆነ ግልፅ ሆኖ ሳለ ሊያስተባብሉ ሲውተረተሩ የበለጠ ትዝብት ላይ ይወድቃሉ፨ መስሪያቤቱ የሃገር ኩራት ስለሆነ በዘር እንደማይሰራ ለእኛው ሊነግሩን ይሟሟታሉ፨ በደህና ቀን እፍረታቸውን ያሰናበቱ ሰዎች ! እነሱ በከረፋው ዘረኝነታቸው ባያስመርሩት ለመሆኑ አንድ ሰው ከፓይለትነት ገበሬነትን የሚመርጠው ለምንድን ነው ሊሉን ነው? ወይስ ይህኛውም እንደ ኃ/መድህን የአእምሮ ህመም አለው ሊሉን ነው?እፍረታቸውን የሸኘላቸው የአእምሮ ህመሙ የነሱ መሆን አለበት !

የሆነ ሆኖ ካፒቴን ዮሃንስ አፈር እስከመግፋት ያስጨከነው የቁስ ብልፅግናን ንቆ የነፃነትን መውደድ አስገርሞኛል! ይሄ እንጀራ ለመብላት ክብሩን የሚጥል ለበዛበት ዓለም ትልቅ ትምህርት ነው ፨

Leave a Reply

This site uses Akismet to reduce spam. Learn how your comment data is processed.