Wednesday, April 24, 2019
Home > ዜና > ብርጋዴር ጀነራል ከማል ገልቹ ቲም ለማን ተቀላቀሉ::

ብርጋዴር ጀነራል ከማል ገልቹ ቲም ለማን ተቀላቀሉ::

ከዳዑድ ኢብሳ ኦነግ ጋር ከዓመታት በፊት በአስመራ የተለያዩት ብርጋዴር ጀነራል ከማል ገልቹ ቲም ለማን ተቀላቀሉ::

የኦሮሚያ አንድነትና ነፃነት ግንባር መሪ ብርጋዴር ጀነራል ከማል ከዳኡድ ኢብሳ ኦነግ ጋር ከተለያዩ በኋላ ከኤርትራ ወጥተው በኡጋንዳ እንደቆዩ ይነገራል:: “የትጥቅ ትግል ሲያደርጉ የነበሩ የፖለቲካ ድርጅቶች የትጥቅ ትግል ፋሽን ያለፈበት በመሆኑ ሰላማዊ ትግል ለማድረግ ወደ ሀገር ግቡ” በሚል የተረበውን የዶ/ር ዓብይ ጥሪ ተቀብለው ወደ ኢትይፖጵያ ገብተው የነበሩት ጀነራል ከማል ቲም ለማን በመቀላቀል የኦሮሚያ ፀጥታና ደህንነት ቢሮ ሀላፊ ሆነው ሹመት አግኝተዋል::

በብርጋዴር ጀነራል ከማል ገልቹ የሚመራው የኦሮሚያ አንድነትና ነፃነት ግንባር ወደ ኢትዮጵያ ከገባ በኋላ ኦዴፓን ይቀላቀላል ተብሎ በሰፊው ሲነገር የነበረ ቢሆንም ሙሉ በሙሉ ድርጅቱ ዶ/ር ዓብይና ለማ መገርሳ ከሚመሩት ኦዴፓ ጋር ይቀላቀል አይቀላቀል ባይታወቅም ጀነራል ከማል ግን ቲም ለማን ተቀላቅለው ይህን ትልቅ ሹመት አግኝተዋል::

ለጀነራል ከማል ገልቹ የተሰጠው ሹመት በተለይም የዳኡድ ኢብሳን ኦነግ እንደማያስደስት የቅርብ ሰዎች ይናገራሉ::

Leave a Reply

This site uses Akismet to reduce spam. Learn how your comment data is processed.