Tuesday, April 23, 2019
Home > ዜና > ዶ/ር አምባቸው መኮንን የውጭ ጉዳይ ሚኒስትር ሆነው ሊሾሙ ነው::

ዶ/ር አምባቸው መኮንን የውጭ ጉዳይ ሚኒስትር ሆነው ሊሾሙ ነው::

ዶ/ር አምባቸው መኮንን ለምክትል ጠቅላይ ሚኒስትርነት ሲጠበቁ የውጪ ጉዳይ ሚኒስትር ሆነው ሊሾሙ እንደሆነ Ethiopian Observer ዘግቧል፡፡ ዶ/ር አምባቸው አዴፓ/ብአዴን ባህር ዳር ላይ ባደረገው ጉባኤ ላይ የድርጅቱ ዋና ሊቀመንበር የመሆን ሰፊ ዕድል ነበራቸው፡፡ በሌላ በኩል የድርጅቱ ዋና ሊቀመንበር አቶ ደመቀ መኮንን በሃላፊነት የመቀጠል ፍላጎት አልነበራቸውም፡፡

ሆኖም ግን የድርጅቱ አባላትና ደጋፊዎቹ በፈጠሩት ግፊትና ጫና በሃላፊነት ለመቀጠል መስማማታቸው ይታወሳል፡፡ አቶ ደመቀ የሃሳብ ለውጥ እንዲያደርጉ ከፍተኛ ግፊትና ጫና የተደረገባቸው በድርጅቱና ሀገር-አቀፍ ያላቸውን እውቅና ተጠቅመው የኢህአዴግ ም/ሊቀመንበርነትን ቦታ ይዘው እንዲቀጥሉ በሚል ነበር፡፡ በእርግጥ አዴፓ ከደህዴንና ህወሓት የገጠመው ውድድር በቀላሉ አሸንፎ ም/ሊቀመንበርነቱን መያዝ ቢችልም ይህ ግን ዶ/ር አምባቸው መኮንን ምክትል ጠቅላይ ሚኒስትር የመሆን እድል አሳጥቷቸዋል፡፡

ይሁን እንጂ የውጪ ጉዳይ ሚኒስትር ለዶ/ር አምባቸው በብዙ ጎኑ ከም/ጠ/ሚኒስተርነት በተሻለ ተፅዕኖ መፍጠር የሚችሉበት በመሆኑ ለዚህ ቦታ መታጨታቸው በራሱ ይበል የሚያሰኝ ነው::

በመምህር ስዩም ተሾመ

Leave a Reply

This site uses Akismet to reduce spam. Learn how your comment data is processed.