Wednesday, April 24, 2019
Home > ጠቃሚ መረጃዎች > ስለ ሊፕስቲክ ልታውቋቸው የሚገቡ አስገራሚ እውነታዎች

ስለ ሊፕስቲክ ልታውቋቸው የሚገቡ አስገራሚ እውነታዎች

የስብእና መገለጫ ነው በጥንታዊት ግብፅ ሊፕስቲክ ለሴቶችም ሆነ ወንዶች የሀብትና የስልጣን ደረጃ መገለጫ እንደነበር ይነገራል። በሰማያዊ፣ ግራጫ፣ አረንጓዴና ወይነ ጠጅ ቀለም በተነከሩ ቀጫጭን እንጨቶች በየቀኑ ከንፈራችውን ያስውቡ እንደነበርም ነው ታሪክ የሚያስረዳው።ከንፈርን ቀይ ሊፕስቲክ መቀባት ደግሞ በህዝብ ዘንድ ተቀባይነት ያለን ዝና ያመላክታል ይላል ዘገባው።

የሚዘጋጅበት ነገሮች የአሳ ቅርፊት፣ የጉሎ ዘይት፣ የበግ፣ የበሬና የሌሎች እንሰሳት ስብ በጥንት ጊዜ ሊፕስቲክን ለማዘጋጀት ጥቅም ላይ ይውሉ ነበር። ይሁን እንጂ የአሳ ቅርፊት እና የጉሎ ዘይት አሁንም ሊፕስቲክን ለማዘጋጀት ጥቅም ላይ እየዋሉ ነው።

ስሜታዊነት ከንፈሮቻችን ከጣቶቻችን ጋር ሲወዳደሩ ምን ያህል ጥንቃቄ እንደሚሹ ያውቃሉ? ከንፈሮቻችን ከእጃችን ጣቶች መቶ ጊዜ ጥንቃቄን ይሻሉ።

ተቃራኒ ጾታን መሳብ ላይ በቅርብ ጊዜ በተደረገ ጥናት ሊፕስቲክ የተቀቡ ሴቶች ወንዶችን ለመማረክ ጊዜ እንደማይወስድባቸው ተረጋግጧል። ጥናቱ እንደሚለው አንድ ወንድ ቀይ ሊፕስቲክ የተቀባች ሴትን በየ7 ነጥብ 3 ሰከንዱ ይመለከታታል።

የገበያ ጊዜና ቦታ በክረምት ወቅትና ደመናማ በሆነ የአየር ሁኔታ የሊፕስቲክ ሽያጭ እንደሚያድግ ጥናቶች ጠቁመዋል። የሊፕስቲክ ገበያ በአሜሪካ ፖርትላንድ፣ ኦሪዮን፣ አትላንታና ሚያሚ የደራ መሆኑም ይነገራል።

2ኛው የአለም ጦርነትና ሊፕስቲክ ለረዥም ጊዜ እየተጠቀምንበት ያለው ሊፕስቲክ አዘገጃጀት ቅንብር ሀዜል ቢሾፕ በተባለ ኬሚስት ነው የተረቀቀው። ኬሚስቱ የሊፕስቲክ ውህዶችን የቀመረው ከሁለተኛው የአለም ጦርነት ማግስት ነበር።

እጅግ ውዱ ሊፕስቲክ በአለማችን ውድ እንደሆነ የሚነገርለት Guerlain’s Kisskiss Gold And Diamonds ሊፕስቲክ እስከ 62 ሺህ የአሜሪካ ዶላር ያወጣል። 110 ግራም 18 ካራት ወርቅና አልማዝ ከሌሎች ውህዶች ጋር ተቀላቅሎ የሚሰራው ይህ ሊፕስቲክ በእርግጥም የተወሰኑ የመግዛት አቅም ባላቸው ግለሰቦች ጥቅም ላይ የሚውል መሆኑን መረዳት ይቻላል።

ሮም በጥንታዊ ሮም ሀብታም ሴቶች የግላቸውና ኮስማቴ የተባሉ የሜካፕ አርቲስቶችና የፀጉር ፈሻኞች ነበሯቸው። እነዚህ ባለሙያዎችም እንስቶቹን በሊፕስቲክ የማስዋብ ሃላፊነት ነበረባቸው። ይህ በእንዲህ እንዳለ በሮም በሴተኛ አዳሪነት የሚተዳደሩ ሴቶች ከሌላው ማህበረሰብ ተለይተው እንዲታወቁ ሊፕስቲክ መቀባት እንደነበረባቸው መረጃዎች ያመለክታሉ።

ሞራልን ያሳድጋል በሁለተኛው የአለም ጦርነት በብሪታኒያ የመዋቢያ እቃዎች ማምረት ሲታገድ የሊፕስቲክ ምርት ግን እንዳይቆም ተደርጓል። ፕሬዚዳንት ዊንስተን ቼርቺልም ሊፕስቲክ ሞራልን ያሳድጋል ብለው እንደሚያምኑ ነው የሚነገረው።

ምትሃትና ሊፕስቲክ ብዙዎቻችን ሊፕስቲክ መቀባት በራስ የመተማመን ብቃትን ለማሳደግና ወደ ጥሩ ሙድ ለመግባት እንደሚጠቅም እንረዳለን። ይሁን እንጂ በ1550ዎቹ እንግሊዛዊያን ሊፕስቲክን ምትሃታዊ አቅም እንዳለው እንደሚያምኑ ይነገራል።

በመጨረሻም ሊፕስቲክ ከጥቅም ውጪ የሚሆንበት ጊዜ ቢኖረውም ፍሪጅ ውስጥ ቢቀመጥ ለረዥም ጊዜ የመቆየት እድሉ እንደሚራዘም ይነገራል።

ሼር በማድረግ ያጋሩ

Leave a Reply

This site uses Akismet to reduce spam. Learn how your comment data is processed.