Wednesday, April 24, 2019
Home > ዜና > በጋዜጠኛ አለምነህ ዋሴ የተሰጠ የዜና ትንታኔ!

በጋዜጠኛ አለምነህ ዋሴ የተሰጠ የዜና ትንታኔ!

ወደ 20 የተገረዘው የዐብይ ካቢኔ የሴት ሚኒስትሮችን ክፍል ከወንዶች መሳለመሳ በማድረግ ፈር ቀዷል።ዛሬ ፓርላማው ፊት እንትፍትፍ ከተባሉት ወይዛዝርት ሚኒስትሮች መካከል የውቢቷ አዲስ አበባ ውብ ገፅ የነበሩትን ወ/ሮ ዳግማዊት ሞገስን ጨምሮ አያሌ ፖለቲከኛ እንስቶችን የስልጣኑን ርካብ እንዲቆናጠጡና እሳቱን በመዳፋቸው እንዲጨብጡ ዕድል የሰጠ ነው።

የአፋሯ ኢንጂነር አይሻ መሀመድ። በሞትና በህይወት መካከል የሚወስኑ ጄኔራሎችና መላ ሰራዊቱን ከነተተኲሾቹ የሚያዙ ቀጭን እመቤት ሆነው ፀድቀዋል።ብዙዎች እዚህ እሳት ቦታ ላይ የሴት ሚኒስትር መሾማቸው ቢያባባቸውም “የፋሽስትን ውሀ መጠጫ ጉድጒድ ክበብ”በማለት የመቀሌን ድል የመራች ው ጣይቱ ታሪክ በሰራችበት አገር ኢንጂነር አይሻ ይከብዳቸዋል ለማለት ብዙ ምክንያት የለም።ባይሆን ብዙዎችን የከነከነው አዲስ አቤዋ የአዲስ አበባ ም/ከንቲባ ወ/ሮ ዳግማዊ ከዚህ ቁልፍ መዲናዊ ኅላፊነት መነሳታቸው ነው።

ይሁንና አዋዜ የማያወዛግብ የማያሻማ የኢትዮጵያውያን ሁሉ ሀበሻ-ንድፍ የሆነች ርዕሰ ከተማ አዲስ አበባችን አመራር በወ/ሮ ዳግማዊት እግር ሌላ መጣኝ ሰው በጥንቃቄ ተመርጦ እንደሚተካበት የሚያጠራጥር አይደለም።

Leave a Reply

This site uses Akismet to reduce spam. Learn how your comment data is processed.