Sunday, September 22, 2019
Home > ዜና > ዛሬ አለማቀፍ ሚዲያዎች ስለ ዶክተር አብይ ያሰራጯቸው ዜናዎች አንብበው ሼር በማድረግ ያጋሩ

ዛሬ አለማቀፍ ሚዲያዎች ስለ ዶክተር አብይ ያሰራጯቸው ዜናዎች አንብበው ሼር በማድረግ ያጋሩ

ጠቅላይ ሚኒስትር ዶ/ር ዐቢይ አህመድ ያዋቀሩትንና በህዝብ ተወካዮች ምክር ቤት የፀደቀውን አዲስ ካቢኔ ጉዳይ የተለያዩ ዓለም አቀፍ የዜና አውታሮች በተለያየ መንገድ ዘግበውታል፡፡

ቢቢሲ፣ አልጄዚራ፣ ዘ-ጋርዲያን፣ ሮይተርስ፣ አናዶሉ ኤጀንሲ፣ ኤስቢኤስ፣ ዘ-ኢንዲፐንደንት፣ ዋሽንግተን ፖስት፣ ዴይሊ ሜይል እና ሌሎችም ዓለምአቀፍ ሚዲያዎች ጠቅላይ ሚኒስትር ዶ/ር አብይ አህመድ በትናንትናው እለት ለህዝብ ወካዮች ምክር ቤት አቅርበው ስላፀደቁት ካቢኔ አዎንታዊ ዘገባወችን ሰርተዋል፡፡

በዘገባዎቻቸውም ፡-

• ኢትዮጵያ በታሪኳ ለመጀመሪያ ጊዜ ግማሽ ያህል የጠቅላይ ሚኒስትሩ የካቢኔ አባላትን ( ከ20ው ውስጥ 10) ሴቶች ማድረጓ በአፍሪካ በምሳሌነት የሚጠቀስ፣ በዓለም ከፍተኛ የሴቶች ቁጥር ካካተቱ የስድስት ሀገራት ካቢኔዎች ውስጥ አንዱ መሆኑን ውሳኔውም አስደናቂ መሆኑን አስፍረዋል፡፡

• በኢትዮጵያ ታሪክ ለመጀመሪያ ጊዜ ቁልፍ የፀጥታና ደህንነት ቦታዎች ለሴቶች መሰጠታቸውን ጠቅሰዋል፡፡ ለዚህም ለሰላም ሚኒስትርነት ወ/ሮ ሙፈሪያ ካሚል እንዲሁም ለመከላከያ ሚኒስትርነት ኢንጅነር አይሻ መሀመድ መሾማቸው ትልቅና አስገራሚ ውሳኔ ነው ብለውታል፡፡

• ይህ ሴት ሚኒስትሮችን በእኩልነት መሾም ሴቶች መምራት አይችሉም የሚለውን የቆየ ኋላቀር አስተሳሰብን የሚቀይር ዓላማ እንዳለውም ገልጸዋል፡፡

• የሰላም ሚኒስቴር የተቋቋመበት ዋና ምክንያትም የተጀመሩት የማሻሻያ እርምጃዎች እንዲሰፉና እንዲቀላጠፉ ለማስቻል መሆኑን ዘግበዋል፡፡

• መንግስት ሙስናን ለመዋጋት ፣የሀብት ብክነትን ለመከላከልና ሀብትን ለመፍጠር በሚያስችል መልኩ የመንግስት ተቋማትን በአዲስ መልክ እንዲደራጁ የካቢኔ አባላት ቁጥርም ወደ 20 ዝቅ እንዲል መወሰኑን አንስተዋል።

• አዲሱ ካቢኔ ጠቅላይ ሚኒስትር ዶ/ር አብይ አህመድ የሚመሩትን ሁለገብ የማሻሻያ ስራ ለማፋጠን ያለመ ነው መባሉን ዘግበዋል፡፡

• ጠቅላይ ሚኒስትር ዶ/ር አብይ አህመድ ወደ ስልጣን ከመጡ ወዲህ እያወሰዷቸው ያሉት በሳል እርምጃዎችም ከኔልሰን ማንዴላ፣ከባራክ ኦባማ፣ ከጀስቲን ትሩዶና ከሌሎች የለውጥ መሪዎች ጋር እንደሚያመሳስሏቸውም ተወስቷል፡፡

ሼር በማድረግ ያጋሩ

Leave a Reply

This site uses Akismet to reduce spam. Learn how your comment data is processed.