Sunday, September 22, 2019
Home > ዜና > የተገነባውን መተማመን በግብዝነት እያፈረሰው ነው!

የተገነባውን መተማመን በግብዝነት እያፈረሰው ነው!

የአንድ ብሔር ተወላጆችን ጥቅምና ተጠቃሚነትን የማረጋገጥ ዓላማ ይዞ ወጣቶችን በወገንተኝነትና ተበዳይነት ስሜት እየኮረኮሩ መጋለብ ቀላል ነው፡፡ ነገር ግን ኢትዮጵያ ውስጥ በዚህ መልኩ ብዙ አመት ብትጋልብ የፖለቲካ ስልጣን መቆጣጠር አትችልም፡፡ ለውጥ ማቀንቀን ብቻ ሳይሆን የሌላ ብሔር ተወላጆች አብረውህ ባያቀነቅኑ ለውጡን ለመቀበል ዝግጁ መሆን አለባቸው፡፡ በመሆኑም በተለያዩ ብሔር ተወላጆች መካከል የመተማመንና ትብብር መንፈስ መፍጠር የግድ አስፈላጊ ነው፡፡ ለዚህ ደግሞ ለውጡ ከአንድ ወገን የበላይነት ይልቅ እኩልነትና ፍትሃዊ ተጠቃሚነትን ዓላማ ያደረገ እንደሆነ ያለመታከት በመናገርና በማስረፅ በሌሎች ዘንድ ተቀባይነት እንዲያገኝ ማሶቻል ይጠይቃል፡፡ በዚህ ረገድ ከኦቦ ለማ እና ዶ/ር አብይ በስተቀር እዚህ ግባ የሚባል አስተዋፅዖ ያበረከተ ወገን የለም፡፡ በተለይ ደግሞ ኢ/ር #ታከለ_ኡማ ወደ ስልጣን ከመጣበት እለት አንስቶ ይህን በስንት መከራ የተገነባውን የአብሮነትና የመተባበር መንፈስ በመሸርሸር ረገድ ከፍተኛ ጉዳት አድርሰዋል፡፡ እሳቸው ከመጡበት ዕለት አንስቶ በስንት ትግል የተገነባው የመግባባትና መተማመን መንፈስ በከፍተኛ ፍጥነት እየተሸረሸረ ነው፡፡ በአንፃሩ ቀድሞ የነበረው የጥርጣሬና መጠላለፍ አባዜ በከፍተኛ ፍጥነት ተመልሶ እያቆጠቆጠ ይገኛል፡፡ ለራሳችን ደጋግመን የነገርነው ውሸት ሺህ ግዜ በሚዲያ ቢያሽሞነሙኑት በፍፁም እውነት አይሆንም፡፡ የሁሉም ዓይንና ጆሮ አዲስ_አበባ ላይ ተደቅኗል ነው፡፡ ለራሳችሁ የነገራችሁትን ውሸት ትታችሁ እውነታን መጋፈጥ ያስፈልጋል፡፡ ዛሬ አዲስ አበባ ውስጥ እየተደረገ ያለው ነገር ላለፉት 27 አመታት ሲደረግ ከነበረው ጋር አንድና ተመሣሣይ ነው፡፡ እባካችሁ በስንት መከራ የተገነባውን መተማመን በአጉል ግብዝነት እያፈረሳችሁት ነው??!!

በመምህር ስዩም ተሾመ

Leave a Reply

This site uses Akismet to reduce spam. Learn how your comment data is processed.