Wednesday, April 24, 2019
Home > ዜና > ኦሮሞ ሲፋቅ ኦነግ ነው የሚለው አባባል የማይገልፃቸው ኢትዮጵያዊ ሙህር ፕ/ር መራራ ጉዲና – የተስፋ ልጅ

ኦሮሞ ሲፋቅ ኦነግ ነው የሚለው አባባል የማይገልፃቸው ኢትዮጵያዊ ሙህር ፕ/ር መራራ ጉዲና – የተስፋ ልጅ

ኦሮሞ ሁሉ ሲፋቅ ኦነግ ነው የሚለው የቀድሞው ጠ/ሚ መለስ ዜናዊ አባባል የማይገልፃቸው ኦሮሞነታቸው ከኢትዮጵያዊነታቸው ያልተጣላባቸው ፣ የኢትዮጵያዊነት አቀንቃኝ ፣ የጠባቦች እና የዘረኞች መድሀኒት ኢትዬፕያዊው ፕ/ር መራራ ጉዲና ።

በኦሮሞ ህዝብ ታሪክ በዚህ ሀያ ሰባት አመት ውስጥ እንደ ፕሮፌሰር መራራ ጉዲና ለኢትዮጵያዊነት የታገለ የኦሮሞ ፓለቲከኛ ጥራ ብትለኝ እቸገራለሁ።

በተለያዩ ግዜያት በራሳቸው ወገን ያሉትን የኦሮሞ ፓለቲከኞች በኢትዮጵያዊነት ላይ ተፃራሪ ንግግሮችን ወይንም ድርጊቶችን ሲፈፅሙ ቀድመው መልስ የሚሰጡት ህኒሁ የታሪክ ሙህርና አንጋፋ የኢትዬጲያ ፓለቲካ ናቸው።

በቅርቡ እንኳ አንዳንድ የኦሮሞ አክቲቢስቶች ታላቋን የኦሮሚያን እንመሰርታለን ብለው ካርታ ሲያዘጋጁ ፕ/ር መራራ ምን አሉ “የማንም መሀይም እየተነሳ ኦሮሞ ይገንጠል ይላል ጂኦግራፊ ፥ አያውቁ ታሪክ አያውቁ ፤ ቆይ ወያኔ የሰራልህን አርቴፊሻል ወሰን ይዘህ ነው ምትገነጠለው?? የደቡብ ህዝብ ዝም ይልሀል?? ፣ አማራ ዝም ይልሀል?? ፣ የአዲስ አበባን 5 ሚሊዮን ህዝብስ ቀቅለህ ልትበላው ነው?? ሲሉ አክራሪዎች ከቅዠታቸው እንዲነቁ ማስጠንቀቂያ አዘል ወንድማዊ ምክር ለግሰዋል።

ከዛ በፊት በአንድ መድረክ ኦሮሞ ግንድ ነው ግንድ ደግሞ አይገነጠልም ቅርንጫፍ ነው ሚገነጠለው ብለው ከህዝብ ከፍተኛ አድናቆት ማትረፋቸው አይዘነጋም።

አሁን ደግሞ አቶ በቀለ ገርባ በቅርቡ በሚዲያ በተደረገ መግለጫ ኦፌኮን ወክለው መግለጫ መስጠታቸው ይታወቃል አዲስ አበባ የኦሮሞ ነች በማለት ኢትዮጵያዊው ሙህር ፕ/ር መራራ ግን የበቀለ ሀሳብ የራሱ እንጅ የድርጅቱ አምቋ አይደለም በማለት ለዘረኝነት ያላቸውን ከፍተኛ ጥላቻ በአደባባይ ያስመሰከሩ ኦሮሞነታቸው ከኢትዮጲያዊነታቸው ያልተጋጨባቸው እውነተኛ ሀገር ወዳድ ፓለቲከኛ ለኢትዮጵያችን ባለውለታነታቸው ያለኝን ልባዊ ድጋፍ እና አድናቆቴን ልገልፅላቸው እወዳለሁ።

Leave a Reply

This site uses Akismet to reduce spam. Learn how your comment data is processed.