Sunday, April 5, 2020
Home > ዜና > የፌዴሬሽን ምክር ቤት አፈጉባዔ ወ/ሮ ኬሪያ ኢብራሂም የራያ ጉዳይን አስመልክቶ ተናገሩ!

የፌዴሬሽን ምክር ቤት አፈጉባዔ ወ/ሮ ኬሪያ ኢብራሂም የራያ ጉዳይን አስመልክቶ ተናገሩ!

ባሕር ዳር፡ጥቅምት 14/2011 ዓ.ም(አብመድ) የማንነት ጥያቄዎች ለፌዴሬሽን ምክር ቤት መቅረብ ያለባቸው ጥያቄውን የሚያነሱ ዜጎች በሚኖሩበት ክልል ቀርቦ ከታየ በኋላ እንዳለበት የፌዴሬሽን ምክር ቤት አፈጉባዔ ወይዘሮ ኬሪያ ኢብራሂም ተናገሩ፡፡

በተለይም የአማራ ብዙኃን መገናኛ ድርጅት ለአፈጉባዔዋ የወልቃይትና የራያ አማራ ህዝብ የማንነት ጥያቄዎችን በተመለከተ ማብራሪያ እንዲሰጡ ጥያቄ አቅርቧል፡፡

አፈጉባዔዋ ኬሪያ ኢብራሂም የወልቃይት የማንነት ጥያቄ ለፌዴሬሽን ምክር ቤት መቅረቡን ተናግረዋል፡፡

‹‹የወልቃይት ጥያቄ ለኛ ደርሷል፤ ግን ሕገ-መንግሥታዊ ሥርዓቱን አልጠበቀም፡፡ ዜጎች እየተሰቃዩ ያሉት በክልላቸው በትግራይ ነው፤ እየተቆረቆረ ያለው የአማራ ክልል ነው፡፡ ለኛ ይህ አስቸግሮናል፡፡ የትግራይ ክልል መንግሥትም መቆርቆር አለበት›› ብለዋል አፈጉባኤዋ፡፡

የራያ አማራ የማንነት ጥያቄ ግን እስካሁን ለምክር ቤቱ እንዳልቀረበ ነው የገለፁት፡፡ የራያ አማራ የማንነት ጥያቄ መቅረብ ያለበትም በሚኖሩበት ትግራይ ክልል መሆን እንዳለበት እና ክልሉም ይህን ማድመጥ እንዳለበት ነው ያስገነዘቡት፡፡

Leave a Reply

This site uses Akismet to reduce spam. Learn how your comment data is processed.