Sunday, April 5, 2020
Home > ዜና > በቆቦ የአድማ በታኝ ወታደሮች ያልተጠበቀ ነገር ፈፀሙ!

በቆቦ የአድማ በታኝ ወታደሮች ያልተጠበቀ ነገር ፈፀሙ!

በቆቦ ከተማ አስተዳደር ሰሞኑን የተከሰተውን የፀጥታ ችግር ለማረጋጋት ከአድማ ብተናና የተደራጁ ወንጀለኞችን መከላከልና መቆጣጠር የመጡ አካላት ለአካባቢው የበጎ ፈቃድ አገልግሎት መስጠታቸው ተነገረ፡፡

የጤፍ ሰብላቸው የታጨደላቸው አርሶ አደር ወ/ሮ ፀኃይነሽ ደርበው እንደነገሩን እኔ ነይ የእርሻሽን ድካ አሳይን ስባል መጣሁ እንጅ ምንም የማውቀው ነገር አልነበረም፡፡ እግዚአብሔር ሀገራችንን ሰላም አድርጎልን እነሱንም ከወላጆቻቸው እና ወዳጅ ዘመዶቻቸው በሰላም ይመልስልኝ፡፡ በወቅቱ ጤፌን ባለማሳጨዴ የቀን ጨለማ ወርሶኝ ነበር፡፡ እነሱን እግዚአብሔር ከቀን ጨለማ ከመወረስ ያድንልኝ በማለት እንባ እየተናነቃቸው ደስታቸውን ገልፀዋል፡፡

ም/ኮማንደር ደስታ ወርቁ የሰ/ወሎ/ዞን/ 2ኛ ሻለቃ አድማ ብተና ፖሊስ አዛዥ በሰሞኑ አለመረጋጋት ምክንያት ፀጥታ ለማስከበር ከአድማ ብተናና የተደራጁ ወንጀለኞችን ከመከላከልና መቆጣጠር የተውጣቱ 122 አባላት በቆቦ ከተማ አስተዳደር ወቅቱን ባልጠበቀ ዝናብ ምክንያት የጤፍ ሰብላቸው አደጋ ላይ እንዳይወድቅ በማሰብ ከሚመለከታቸው አካላት ጋር ተነጋግረን የአቅመ ደካሞችን፣ የዴት አርሶ አደሮችን ለማሳጨድ የአቅም ችግር ያለባቸውን ግለሰቦች ጤፍ ለማጨድ የልማት አጋርነታችንን ስናፀባርቅ ደስታ ይሰማናል፡፡

ም/ኮማንደሩ አክለውም ይህ ተግባር በዚህ ብቻ የሚወሰን አይደለም፡፡ እዚህ እስካለን ድረስ ድጋፋችን ቀጣይ ነው በማለት ተናግረዋል፡፡

የቆቦ ከተማ አስተዳደር ጤና ጥበቃ ጽ/ቤትም በበኩሉ እነዚህ በጎ ፈቃድ ሰጪ አካላት በአጨዳው ወቅት በማጭድ የመቆረጥ አጋጣሚ ቢፈጠርባቸው የመጀመሪያ ደረጃ የህክምና እርዳታ ለመስጠት ራሱን አዘጋጅቶ በአጨዳው ላይ ተገኝቷል፡፡

Leave a Reply

This site uses Akismet to reduce spam. Learn how your comment data is processed.