Sunday, April 5, 2020
Home > ዜና > የመልአከ መንክራት መምህር ግርማ ወንድሙ አስተማሪ መልእክት!

የመልአከ መንክራት መምህር ግርማ ወንድሙ አስተማሪ መልእክት!

ጥቅምት 10 / 2011 ዓ . ም የመልአከ መንክራት መምህር ግርማ ወንድሙ መንፈሳዊ አገልግሎት በደማቅ ሁኔታ ተከናውንዋል ።

በእለቱ ካስተማሩት ውስጥ የተወሰደ አጭር አስተማሪ መልክት:-

ዛሬ እጅግ በጣም አንገብጋቢ እና አጣዳፊ የህይወት ጉዳይ እና የነፍስ ጥያቄ ለሃይማኖት የሚኖር ትውልድን በመፈለግ ላይ ያለው ሂደት እጅግ በጣም ከቀደሙ ዘመናቶች ዛሬ የኛ ዘመን ትልቅ አጣብቂኝ ውስጥ ገብትዋል ።

ስለዚህ በሃይማኖት ላይ መኖር ሳይሆን ለሃይማኖት መኖር አስፈላጊ ነገር ነው ። ቅድምያ ታድያ ምን ይላል መፅሐፍ ቅዱስ የዮሐንስ ወንጌል ምዕ 10 ላይ << በመጀመርያ ይድናል ። >> በእኔ የሚገባ ቢኖር ይድናል አለ መዳን!

የነፍስ መዳን ትልቅ በረከት አለው ። ዛሬ ሁሉም የነፍስ በሽተኛ ስለሆነ ሲዋሽ ስለ ነፍሱ አስቦ አያውቅም ፤ ሲከዳ ስለ ነብሱ አስቦ አያውቅም ፤ ሲያማ ስለ ነፍሱ አስቦ አያውቅም ፤ ሌሎችን ሲወነጅል ስለ ነፍሱ አስቦ አያውቅም ። ያልዳነ ትውልድ በሃይማኖት ላይ የኖረ ፤ በሃይማኖቱ ላይ የተኛ ፤ በሃይማኖቱ እንጀራውን ያደረገ ፤ በሃይማኖቱ ላይ መቃብሩን የሰራ ፤ ግን ለሃይማኖቱ ያልኖረ በጣም ብዙ ነው ። ይሄ የነፍስ መዳን ያልደረሰው በነፍስ በኩል ላይ ያሉት የመንፈስ ቅዱስ የህይወት ትንሳኤዎች ያልጎበኙት የስሬት መንፈስ እና ፀጋ በህይወቱ ያልዘለቀለት ሰው በሃይማኖት ላይ ይኖራል እንጂ ለሃይማኖቱ አይኖርም! ምክንያቱም በነፍሱ አልዳነም! የነፍስ መዳን አልገጠመውም!

ለሃይማኖቱ የኖረ ግን የተራቡ ሲጠግቡ ያስደስተዋል፤ መልካም ነገር ለሰው ያስባል ፤ በወንድሙ መዳን ይደሰታል ፤ ለተንኮል አይሮጥም ፤ የነፍስ መርገፍ ያመዋል፤ ፍትህ ይጠማዋል፤ ደሀን ይረዳል ፤ አንድነት የማንነቱ አሻራ ናት፡፡

ካስተማሩም በኋላ ለብዙ አመታት በመናፍስት አለም ውስጥ ሆነው ሲሰቃዩ የነበሩትም ድነዋል ። ህዝቡም ቤተክርስቲያንዋ ያዘጋጀችውን ቅባ ቅዱስ ተቀብተዋል ።

<< እነሆ፥ እባቡንና ጊንጡን ትረግጡ ዘንድ፥ በጠላትም ኃይል ሁሉ ላይ ሥልጣን ሰጥቻችኋለሁ፥ የሚጐዳችሁም ምንም የለም። >> የሉቃስ ወንጌል 10 ፤ 19

Leave a Reply

This site uses Akismet to reduce spam. Learn how your comment data is processed.