Sunday, April 5, 2020
Home > ዜና > በቡድን የተደራጁ ግለሰቦች በቁጥጥር ስር ዋሉ!

በቡድን የተደራጁ ግለሰቦች በቁጥጥር ስር ዋሉ!

በአዲስ አበባ ከተማ በሶስት ቡድን ተደራጅተው ከባድ ወንጀሎችን ሲፈጽሙ የነበሩ ተጠርጣሪዎች በቁጥጥር ስር ውለው የክስ መዝገብ እየተዘጋጀባቸው ነው።

የአዲስ አበባ ፖሊስ ኮሚሽን ዛሬ በሰጠው መግለጫ በከተማዋ የሚፈጸሙ ወንጀሎችን ለመከላከል የተለያዩ ስራዎችን ሲሰራ መቆየቱን አስታውቋል።

የኮሚሽኑ የህዝብ ግንኙነት ሃላፊ ኮማንደር ፋሲካ ፋንታ፥ ፖሊስ በከተማዋ ወንጀልን ለመከላከል ባደረገው እንቅስቃሴ ተጠርጣሪዎቹ በቁጥጥር ስር መዋላቸውን ገልጸዋል።

ተጠርጣሪዎቹ በሶስት የተለያዩ ቡድኖች የተደራጁ ሲሆን፥ በከተማዋ ሁሉም ክፍለ ከተሞች በመዘዋወር ወንጀል መፈጸማቸውንም አስረድተዋል።

እስካሁን በተሰራ ስራም 17 ግለሰቦች በቁጥጥር ስር ሲውሉ ከእነርሱ ጋርም 7 ተሽከርካሪዎችን ጨምሮ፥ 8 ሽጉጦች፣ የተለያዩ ተንቀሳቃሽ ስልኮች እና የተለያዩ ወንጀል መፈጸሚያ መሳሪያዎች ተይዘዋል።

አሁን ላይም በተጠርጣሪዎቹ ላይ የክስ መዝገብ እየተዘጋጀ መሆኑንም ጠቅሰዋል።

ኮማንደር ፋሲካ በመግለጫቸው ፖሊስ በመዲናዋ ወንጀልን ለመከላከል ውጤታማ ስራ መስራቱን ተናግረዋል።

ምንጭ፥ፋና ኤፍኤም

Leave a Reply

This site uses Akismet to reduce spam. Learn how your comment data is processed.