Friday, December 6, 2019
Home > ዜና > ከመጠን በላይ ጠጥቶ አውሮፕላን ሊያበር የነበረው ፓይለት ተያዘ!

ከመጠን በላይ ጠጥቶ አውሮፕላን ሊያበር የነበረው ፓይለት ተያዘ!

የ42 ዓመቱ ጃፓናዊ መጠጣቱ የተረጋገጠው ለማብረር ሰዓታት በሚቀሩበት ወቅት በተደረገበት የትንፋሽ ምርመራ ነው ተብሏል።

ቢቢሲ የጃፓን መገናኛ ብዙሃን ጠቅሶ እንደዘገበው ከሆነ ፖሊስ በአካባቢው የአልኮል ሽታ በማሽተቱ ምክንያት ባደረበት ጥርጣሬ ነው ሊመረመር የበቃው ተብሏል። ጃፓናዊው ፓይለት መጠጣት ከሚፈቀደው ዘጠኝ እጥፍ በላይ አልኮል መጎጨቱንም በጥያቄው ወቅት ማመኑ ተገልጿል።

የጃፓን አየር መንገድ ወደፊት ይህን የመሰሉ ድርጊቶች እንዳይፈጸሙ እርምጃ እንድሚወስድ አስታውቆ መንገደኞች በመስተጓጎላቸው ምክንያት ይቅርታ ጠይቋል።

ጃፓናዊው በአሁኑ ወቅት  እስር ቤት ሆኖ ፍርዱን በመጠባበቅ ላይ ሲሆን በዚያው በብሪታንያ ከአራት ወራት በፊት ተመሳሳይ ጥፋት ፈጽሞ የተገኘ አንድ አብራሪ የስምንት ወራት እስር ተፈርዶበት ዘብጥያ መውረዱ የሚታወሳ ነው።

ምንጭ: ቢቢሲ

Leave a Reply

This site uses Akismet to reduce spam. Learn how your comment data is processed.