Monday, September 16, 2019
Home > ዜና > በጠቅላይ ሚኒስትር ዶ/ር አብይ አህመድ አስተዳደር በኢትዮጵያ አየታየ ያለውን ለውጥ እንደሚደግፍ የአውሮፖ ህብረት ም/ቤት ገለፀ

በጠቅላይ ሚኒስትር ዶ/ር አብይ አህመድ አስተዳደር በኢትዮጵያ አየታየ ያለውን ለውጥ እንደሚደግፍ የአውሮፖ ህብረት ም/ቤት ገለፀ

በጠቅላይ ሚኒስትር ዶክተር አብይ አህመድ አስተዳደር በኢትዮጵያ አየታየ ያለውን ለውጥ በመደገፍ ልምዱን ለማካፈል ዝግጁ መሆኑን የአውሮፖ ህብረት ምክር ቤት ገልጿል።

ምክር ቤቱ ዛሬ በካሄደው ስብሰባው እንዳስታወቀው ኢትዮጵያ በጠቅላይ ሚኒስትር ዶክተር አብይ አህመድ አስተዳደር ፈጣን የኢኮኖሚ እና ፖሊቲካዊ ለውጦችን በማስተናገድ በቀጠናው በምሳሌነት የምትጠቀስ ሀገር መሆኗን ገልጿል።

በቅርቡ ፕሬዚዳንት ሳህለወርቅ ዘውዴን በርእሰ ብሄርነት የሾመችው ኢዮጵያ የሀገሪቱን ከቢኔ 50 በመቶ ሴቶች ማድረጓን ምክር ቤቱ አሰታውሷል።

የኢትዮጵያ መንግስት ለመድበለ ፓርቲ ስርዓት፣ ለዴሞክራሲ፣ ለሰብዓዊ መብት፣ ለህግ የበላይነት እና ለፆታ እኩልነት መከበር ያለውን ቁርጥኝነት ምክር ቤቱ አድንቋል።

በመልከም አስተዳድር፣ በፍትህ፣ የመገናኛ ብዙሃን እና በሌሎች ተያያዥ ጉዳዮች ዙሪያ የተካናዎኑ ያሉ ተግባራትንም በአዎንታ የሚጠቀሱ ናቸው ብሏል ምክር ቤቱ።

መሰረታዊ የሰባዓዊ እና ዴሞክራሲያዊ መብቶች፣ ሃሳብን በነፃነት ማራመድ እና መረጃ የማግኘት መብትን በማረጋገጥ ዙሪያ የተጀመሩ ለውጦች ተጠናክረው እንዲቀጥሉ ለማድረግ ምክር ቤቱ የበኩሉን ድጋፍ ለማድረግ ዝግጁ መሆኑንም ገልጿል።

ወደፊት በሀገሪቱ የሚካሄደው ምርጫ አሳታፊ፣ ዴሞክራሲያዊ፣ ነጻ እና ግልጽ መሆን እንዳለበትም ነው የህብረቱ ምክር ቤት የገለጸው።

በቅርቡ በሀገሪቱ በኮኖሚው መስክ የተደረጉ ማሻሻያዎች ኢንቨሰትመንትን የሚያበረታቱ፣ የግሉን ዘርፍ የሚያሳትፉ እና ጤናማ የውድድር መንፈስ እንዲኖር የሚያስችሉ መሆናቸውንም አስታውቋል።

በዚህም የአውሮፓ ህብረት ምክር ቤት ከቡድን 20 አባል ሀገራት የአፍሪካ ኢንሸቲቭ ጋር በመተባበር በስራ እድል ፈጠራ ላይ እንደሚሰራ ነው የገለጸው።

ኢትዮጵያ የአውሮፓ ህብረት የኢንቨስትመንት እና የንግድ አጋር መሆኗን ያመላከተው ምክር ቤቱ በስራ እድል ፈጠራ፣ በኢንዱስትሪ፣ በግብርና ማቀነባበሪያ ፓርክ ወጭ ንግድ እና በግሉ ዘረፍ ልማት ያለውን ግንኙነት የበለጠ አንደሚያጠናክር አስታውቋል።

በኢንቨስትመንት እና በስራ እድል ፈጠራ የሚደረገው የህብረቱ ትብብር የኢትዮጵያን ኢኮኖሚ ወደ ላቀ ደረጃ ለማሸጋገር የሚያስችል መሆኑንመ ነው የህብረቱ ምክር ቤት የገለጸው።

ኢትዮጵያ በላፉት ሁለት አስርት ዓመታት በድህነት ቅነሳ የመሰረተ ልማት ማስፋፋት ውጤት ማስመዝገቧንም ምክር ቤቱ አስታውሷል።

(ኤፍ.ቢ.ሲ)

Leave a Reply

This site uses Akismet to reduce spam. Learn how your comment data is processed.