Friday, December 6, 2019
Home > ዜና > ኢትዮጵያውያን እባካችሁ ተጠንቀቁ

ኢትዮጵያውያን እባካችሁ ተጠንቀቁ

ኢትዮጵያ 17/2011 ዓ/ም ነገሩ ያስደነግጣልተመሳስሎ የተሰራ  መድሃኒት ሲሸጥ የነበረ የኮስሞቲክስ ማምረቻ ባለቤት በቁጥጥር ስር ዋለ ኸርባል ኮልጌት የተባለ ተመሳስሎ የተሰራ  መድሃኒት በህገወጥ መንገድ አምርቶ ለህብረተሰቡ ሲሸጥ የነበረ አንድ የኮስሞቲክስ ማምረቻ ባለቤት በቁጥጥር ስር መዋሉን የኢትዮጵያ የምግብና የመድኃኒት ቁጥጥር ባለስልጣን አስታወቀ፡፡

ግለሰቡ በቁጥጥር ስር የዋለው ከህብረተሰቡበደረሰው ጥቆማ መሰረት ክትትል ሲያደርግና ጉዳዩን ሲያጣራ የቆየው የባለስልጣን መስሪያ ቤቱ ከፌዴራል የወንጀል ምርመራ ዳይሬክቶሬት፣ ከኢንተር ፖል እና ከአዲስ አባባ ፖሊስ ኮሚሽን ጋር በመተባበር በወሰደው እርምጃ መሆኑን የባለስልጣኑ የህዝብ ግንኙነት ዳይሬክተር አቶ ሳምሶን አብርሃም ለኢቢሲ ተናግረዋል፡፡

አቶ ሳምሶን እንዳሉት ግለሰቡ ዴንታል ፕላስ የተሰኘን የአንድ የኮስሞቲክስ አምራች ድርጅት ህጋዊ መድኃኒት በማስመሰል 330 የፕላስቲክ ጠርሙስ ኸርባል ኮልጌት ተመሳስሎ የተሰራ  መድኃኒት  በህገወጥ መንገድ በማምረት በሽያጭ ሰራተኛውአማካይነት አሰራጭቷል፡፡

መድሃኒቱ በባለስልጣኑ ያልተመዘገ እና ፍቃድም ያልተሰጠው፣ የመጠቀሚያ ጊዜው ያልተገለጸ፣ ምነንነቱ በላቦራቶሪ የጥራት ምርመራ ያልተረጋገጠ እና የተሳሳተ የስልክ ቁጥር የተፃፈበት መሆኑም ተገልጿል፡፡

ክልሎችን  ጨምሮ  በተለያዩ  የመድኃኒት ችርቻሮ ድርጅቶች የተሰራጨውና ምንነቱ ያልታወቀው ይህ ምርት ከፍተኛ የጤና ጉዳት ሊያስከትል ስለሚችል ህብረተሰቡ መድኃኒቱን እንዳይጠቀም ባለስልጣኑ አሳስቧል፡፡

መድሃኒቱ ሲሸጥ ወይም ሲከፋፍል ያየ በባለስልጣን መስሪቤቱ ነጻ የስልክ መስመር 8482 እንዲያሳውቅ ጥሪ ቀርቦለታል፡፡

ምንጭ፦ኢቢሲ

Leave a Reply

This site uses Akismet to reduce spam. Learn how your comment data is processed.