Saturday, February 29, 2020
Home > ዜና > የሎተሪ “ሿሿ” በአዲስ አበባ እንደ አዲስ አንሰራርቶ እየተሰራ ነው

የሎተሪ “ሿሿ” በአዲስ አበባ እንደ አዲስ አንሰራርቶ እየተሰራ ነው

የሎተሪ “ሿሿ” በአዲስ አበባ
********************************
ነገሩ እንዲህ ነው የግል ተበዳይ ወ/ሮ ህይወት ሀጎስ ከመኖሪያ ሰፈሯ ከመገናኛ አካባቢ በመነሳት የዘወትር ተግባሯን ለመከወን ወደ ፒያሳ በሚጭነው ታክሲ ተሳፍራ ጉዞዋን እንደጀመረች ከጎኗ ካለ አንድ ሚስኪን መሳይ ወጣት ጋር ጨዋታ ትጀምራለች ይህ ወጣት ሲታይ ምንም የማያውቅ ምስኪን የክፍለ ሀገር ሰው በመምሰል ለተበዳይ ወደ ፒያሳ ስለ ሚጓዝበት ምክንያት ያስረዳታል::

ተከሳሹ በኪሱ የያዘው ሎተሪ ቲኬት ከኪሱ በማውጣት ለተበዳይ የ75 ሺህ ብር እድለኛ እንደሆነ እያስረዳታል፡፡ይህን ገንዘብ ከብሄራዊ ሎተሪ ለመቀበል መታወቂያ እንደሚያስፈልገው እና እሱም መታወቂያ እንደሌለው በማስረዳት የሎተሪ ትኬቱን ልስጥሽና ባንቺ መታወቂያ ብሩን ተረከቢልኝ ሲል ይማፀናታል ተከሳሽም ለዚህ ትብብሯ የሁለት ሺህ ብር ጉርሻ ሊሰጣት ቃል ይገባል::

ተበዳይ ግን ጊዜ እንደሌላትና እንደምትቸኩል ብትነግረውም ተከሳሽ ጫን ብሎ እየተማፀናት መውረጃቸው ደርሶ ፒያሳ ደጎል አደባባይ አካባቢ ቆመው እየተማጸናት ባለችበት ወቅት አንድ ሶስተኛ ሰው ባጋጣሚ እንደተከሰተ በማስመሰል ምን ሆኖ ነው ብሎ ተበዳይን ሲጠይቃት ተበዳይ ወጣቱ የገጠመውን ለእንግዳው ሰው ታጫውተዋለች:፡እንግዳውም ሰውም በጣም እንዳዘነ በማስመሰል ብትተባበሪው መልካም ነው፣እኔም እንዳጋጣሚ መታወቂያ ባለመያዜ እንጂ እንደነዚህ አይነት ሰዎችን መርዳት የኢትዮጵያዊነት ምግባር ነው በማለት እንድትተባበረው አጥብቆ ሲጠይቃት ተበዳይም ከብሄራዊ ሎተሪ የሽልማት ገንዘቡን ይዛ ስትመጣ በምላሹ ለእሷ ሁለት ሺህ ብር ሊከፍላት ተስማምተው ጉዞ ወደ ብሄራዊ ሎተሪ ዋና መስሪያ ቤት ማቅናት ጀመሩ::

በመንገድ ላይ ሳሉ አዲስ የመጣውእንግዳ ሰው ወደ ተበዳይ ጠጋ ብሎ ለምን የሎተሪ ቲኬቱን አንገዛውም ብሎ አዲስ ሀሳብ ያቀርብላታል:: ተበዳይ ትንሽ ካንገራገረች በኋላ ጉዳዩን ለባለቲኬቱ ስታወያየው የሎተሪ ትኬቱን ይዞ የመጣው ተከሳሽ የትኬቱ ዋጋ 75 ሺህ ብር ቢሆንም ለእኔ 60 ሺህ ብር ከሰጣችሁኝ ይበቃኛል ሲላቸው በዚህ በመስማማት ተበዳይ 50 ሺህ ብር ፍለጋ ወደ ቤቷ ደውላ ባለቤትዋን 50ሺህ ብር በፍጥነት እንዲያስገባላት ብትጠይቀውም ባለቤቷ ግን ለሚስቱ 50 ሺህ ብር ለመስጠት በሚስት በኩል ግልፅ የሆነ ማብራሪያ ባለማግኘቱ ብሩን እንደከለከላት የተናገረችው ተበዳይ ወደ ወንድሟ በመደወል ወንድሟ በፍጥነት 50 ሺህ ብር እንዲያስገባላት አዋክባ የጠየቀችው ሲሆን ወንድሟም የተባለውን ገንዘብ 50 ሺህ ብር በፍጥነት ልኮላታል::

ተበዳይ ይህን ገንዘብ ከባንክ በማውጣት 75 ሺህ ብር በምትኩ ለማግኘት በማሰብ ሎተሪ ቲኬት ገዝታበታለች:: ቲኬቱን የሸጠላት ግለሰብና ተባባሪው ተበዳይን ወደ ብሄራዊ ሎተሪ ዋና መስሪያ ቤት ደጃፍ ድረስ በመሸኘት ተመልሰዋል:: ተበዳይም የሎተሪ ትኬት ይዛ ወደ ተቋሙ አመራች ከተቋሙ ሰራተኞች ትኬቱ ሀሰተኛ ስለመሆኑ ለተበዳይ በማስረዳት ይሰነባበታሉ::ተበዳይ በ50 ሺህ ብር የገዛችውን ባዶ የሎተሪ ትኬት በማስታወሻነት ይዛ በአቅራቢያው ወደ ሚገኘው የፒያሳ አካባቢ ፖሊስ ጣቢያ አምርታ ሁኔታውን ለፖሊሶች ብታስረዳም ፖሊስ የተጠርጣሪዎችን ማንነት ማወቅ አልቻለም::ተበዳይም በ50ሺ ብሯን አስረክባ ወደ መኖሪያዋ ለማቅናት ተገዳለች::ከእንደዚህ አይነቱ ንግድ ይሰውረን!!፡፡

ዘገባውን የቆጡን አወርድ ብላ የብብቷን ጣለች ሲል ያስነበበው የፌደራል ፖሊስ ኮሚሽን ማህበራዊ ድረገፅ ነው፡፡

Leave a Reply

This site uses Akismet to reduce spam. Learn how your comment data is processed.