Monday, May 20, 2019
Home > ዜና > ጾም በሽታዎችን ለመከላከልና የአይምሮ ጤንነትን ለማሻሻል ይረዳል፦ተመራማሪዎች

ጾም በሽታዎችን ለመከላከልና የአይምሮ ጤንነትን ለማሻሻል ይረዳል፦ተመራማሪዎች

ከምግብ መጾም በሽታዎችን ለመከላከልና የአይምሮ ጤንነትን ለማሻሻል እንደሚረዳ የዘርፉ ተመራማሪዎች ገለፁ፡፡

ጥንታዊያን ግሪኮች ከምግብ እራስን ማቀብ አልያም መጾም ሰውነትን ለማከም እንደሚረዳ ይመክሩ ነበር፡፡

በአሁኑ ወቅት ደግሞ አንዳንድ ተመራማሪዎች ሳያቋርጡ ለተወሰነ ሰዓታት መጾም ለአይምሮና ለአካል ጤንነት መጠበቅ ጥቅም እንዳለው ይናገራሉ፡፡

ጾም የልብ በሽታን፣ ከመጠን ያለፈ ውፍረትንና ከፍተኛ የቅባት ክምችትን ለመከላከል እንዲሁም የአይምሮ ጤንነትን ለመጠበቅ እንደሚረዳ ተነግሯል፡፡

በጾም ወቅት የምግብ መፍጫ ስርዓት ስለሚያርፍ አካላችን መርዛማ ንጥረ ነገሮችን ከሰውነታችን ለማውጣት ዕድል ያገኛል ብለዋል ተመራማሪዎች፡፡

ከዚህም ባሻገር የአንጀት ህዋሳትን ጨምሮ ንኡስ ክፍሎች እንዲፀዱ እንዲሁም የተጎዱና አደገኛ ንጥረ ነገሮች እንዲወገዱ ይረዳል ተብሏል፡፡

ምንጭ፦አልጃዚራ

Leave a Reply

This site uses Akismet to reduce spam. Learn how your comment data is processed.