Monday, May 20, 2019
Home > ዜና > “ነገሩ ግን እኛ ካሰብነውም ከህሊናም በላይ ነበር። አስደንጋጭም እጅጉን አስገራሚም ነበር።”

“ነገሩ ግን እኛ ካሰብነውም ከህሊናም በላይ ነበር። አስደንጋጭም እጅጉን አስገራሚም ነበር።”

ዶክተር አለሙ ተስፋዬ ንጉሴ ይባላል። በትናንትናው ዕለት በአቢሲንያ ባንክ ጣና ቅርንጫፍ ከቁጠባ ሒሳቡ ለገዳማት ድጋፍ አላማው የሆነ ገንዘብ ብር 1,203,000.00 ወጪ ያዝዘናል። የቅርንጫፋችን ካሽ ክፍል ኃላፊ መስኮት አካባቢ ሥራ ስለበዛበት እንዲሁም ገንዘቡ ከፍ ያለ በመሆኑ ካሽ ቤት አስገብቼ ገንዘቡን ቆጥሬ በኩንታል ቋጥሬ ገቢ ወደሚያደርግበት ባንክ ሸኘሁት። ከሆነ ሰዓት በኋላ ከሰጠነው ብር ግማሹን ቋጥሮ ሲመለስ አልቀበለው ብለውት እኛ ጋር መልሶ ሊያስገባ መስሎን በክብር ተቀበልነው።

ነገሩ ግን እኛ ካሰብነውም ከህሊናም በላይ ነበር። አስደንጋጭም እጅጉን አስገራሚም ነበር። 1,200,000 በመክፈል ፈንታ ለዶ/ሩ ቆጥሬ የሰጠሁት 2,200,000.00 ኖሯል። አስቡት ብር 1,000,000.00 ትርፍ ብር ከፍላችሁኛልና ገንዘባችሁን ውሰዱ ብሎ በኩንታል ተሸክሞ የሚያስረክብ፣ ከብር 1,000,000.00 በላይ ለመታመን ዋጋ የሰጠ፣ የሰው ላብ የሰው ገንዘብ የሰው መሆኑን በተግባር ያሳዬ፣ ኩሩ ወንድምን ገንዘብህን እግዚአብሔር እንደ ባህር አሸዋ ያብዛው፣ ቤትህን በልጅ እና በፍቅር አብዝቶ ይባርከው ከማለት በቀር ሌላ ምን ቃላት ይገልፁታል? ደግሞኮ ገና ሒሳብ ስላልዘጋን አገር አማን ብለን ተቀምጠን ነው እራሱ ተሸክሞ እባካችሁ ትርፍ ብራችሁን ውሰዱ ብሎ የመጣው! ዶክተር እግዚአብሔር ሀሳብህን ሁሉ ይፈፅምልህ!

እስኪ እኛስ ብንሆን እናደርገው ነበር?

ምንጭ: በቢራራ መላኩ

Leave a Reply

This site uses Akismet to reduce spam. Learn how your comment data is processed.