Monday, May 20, 2019
Home > ዜና > ከሞት ጋር ተሽቀዳድሞ እጮኛውን ያገባት ወጣት ከ5 ሰዓታት በኋላ ተለያት!

ከሞት ጋር ተሽቀዳድሞ እጮኛውን ያገባት ወጣት ከ5 ሰዓታት በኋላ ተለያት!

የ20 ዓመቱ ትሪስቲን ላው እ.ኤ.አ. በ2016 በአሜሪካ አዮዋ ግዛት የአገሪቱ ጦር ኃይል አባል በመሆን ተመዘገበ፡፡

ባጋጠመው የካንሰር ህመም ምክንያት ከ2 ዓመታት ባነሰ ጊዜ ውስጥ ከጦር ኃይሉ ቢሰናበትም አንድ ቀን ከሚወዳት ልጅ ጋር ትዳር ይዞ ልጅ ወልዶ የመሳም ህልም ነበረው፡፡

ከካንሰር በሽታው ጋር ይታገል የነበረው ትሪስቲን ህልሙን ለማሳካት ባለፈው የፋሲካ በዓል ወቅት ለእጮኛው “ታገቢኛለሽ?” የሚል ጥያቄ ያቀርብላታል፡፡

የእጮኛው መልስ “አዎ!” ስለነበረ ከ2 ሳምንታት በፊት በቤተሰቦቹ መኖሪያ የጋብቻ ስነ-ስርዓታቸውን ይፈፅማሉ፡፡

ይህ አዲሱ የትዳር ህይወታቸው ጅማሮም በቤተሰቦቻቸው መካከል እውን ሆነ፡፡

ልብ ለልብ ተፈቃቅረው ለዓመታት የኖሩት እነዚህ ጥንዶች፤ ጋብቻ በመመስረት ቀሪ ህይወታቸውን በፍቅር ለማሳለፍ ወስነው ትዳር ከመሰረቱ ከ5 ሰዓታት በኋላ ግን ትሪስቲን ከዚህ ዓለም በሞት ተለይቷል፡፡

ትሪስቲን በሞት ቢለየኝም በህይወት ዘመኔ ሁሉ ፍቅረኛዬ ሆኖ ይቀጥላል፤ ጥብቅ የሆነ ቁርኝት ነበረን፤ ከእናቴም ጋር መጫወት ይወድ ነበር፤ ግን ምን ያደርጋል አጥቼዋለው፡፡ ፍቅሩ ግን ለዘለዓለም አብሮኝ ይኖራል ስትል ስሜቷን ገልጻለች እጮኛው፡፡

ምንጭ፡ ኒውዮርክ ፖስት

Leave a Reply

This site uses Akismet to reduce spam. Learn how your comment data is processed.