Monday, July 22, 2019
Home > ዜና > የኢትዮጵያ ወንዶች ፕሪሚየር ሊግ ውድድር ላልተወሰነ ጊዜ እንዲቋረጥ ተወሰነ

የኢትዮጵያ ወንዶች ፕሪሚየር ሊግ ውድድር ላልተወሰነ ጊዜ እንዲቋረጥ ተወሰነ

የኢትዮጵያ ወንዶች ፕሪሚየር ሊግ ውድድር ለጊዜው እንዲቋረጥ ውሳኔ መተላለፉን የኢትዮጵያ እግር ኳስ ፌዴሬሽን አስታወቀ፡፡

የፌዴሬሽኑ ስራ አስፈፃሚ ኮሚቴ አባላት በዛሬው ዕለት ባደረጉት አስቸኳይ ስብሰባ ከክለቦችና ጉዳዮ ከሚመለከታቸው ሌሎች አካላት ጋር ውይይት ተደርጎ ውድድሮች በተገቢው መንገድ የሚካሄዱበት ዘላቂ መፍትሄ እስኪሰጥ ድረስ የወንዶች ፕሪሚየር ሊግ ላልተወሰነ ጊዜ እንዲቋረጥ ወስነዋል፡፡

ነገ በአዳማ ሊካሄድ የነበረው የኢትዮጵያ ቡና እና የመቐለ 70 እንደርታ ጨዋታ እንዲቀርም ዛሬ በተደረገው አስቸኳይ ስብሰባ ላይ ተወስኗል፡፡

ከዚህም በተጨማሪ ለፌዴሬሽኑ የሚቀርቡ የተለያዮ ጥያቄዎች በፌዴሬሽኑ የዲሲፕሊን መመሪያ የውድድር ደንብ መሰረት እንዲታዮ ውሳኔ ተላልፏል፡፡

ምንጭ፡- የኢትዮጵያ እግር ኳስ ፌዴሬሽ

Leave a Reply

This site uses Akismet to reduce spam. Learn how your comment data is processed.