Tuesday, June 25, 2019
Home > ዜና > ሕገወጥ መድሐኒት !

ሕገወጥ መድሐኒት !

ሕገወጥ መድሐኒት !

ከ4,214,175 ብር በላይ የሚገመት ህገወጥ መድኃኒት አገልግሎት ላይ ከመዋሉ በፊት በቁጥጥር ስር ዋለ፡፡

የኢትዮጵያ የምግብና የመድኃኒት ቁጥጥር ባለሰስልጣን ከባለድርሻ አካላት ጋር በመተባበር በሞያሌ ከተማ በአራት የመድኃኒት መደብሮች በተደረገው ድንገተኛ ፍተሻ ከ4,214,175 ብር በላይ የሚገመት ህገወጥ መድኃኒት አገልግሎት ላይ ከመዋሉ በፊት በቁጥጥር ስር ማዋሉ ታውቋል፡፡

በቁጥጥር ስር የዋሉት ህገወጥ መድኃኒቶች በባለስልጣን መስሪያ ቤቱ ያልተመዘገቡና የቅዝቃዜ ሰንሰለታቸውን ሳይጠብቁ በኮንትሮባንድ መልክ በመግባት አገልግሎት ላይ ሳይውሉ በቁጥጥር ስር ውሏል፡፡

ባለስልጣን መስሪያ ቤቱ በአዋጅ ቁጥር 1112/2011 በተሰጠው ኃላፊነት መሰረት ከፌዴራል ፖሊስ ፣ጉምሩክና ከአባበው ታጣቂዎች ጋር በመቀናጀት የቁጥጥር ስራው ተሰርቷል፡፡

ህብረተሰቡ መሰል ህገወጥ የምግብና የመድኃኒት ንግድና ዝውውር ድርጊቶች ሲፈጸሙ ለባለስልጣን መስሪያ ቤቱ በነጻ ስልክ መስመር በ 8482 ወይም በአካባቢው ለሚገኙ የፍትህ አካላትና የጤና ተቆጣጣሪዎች እንዲጠቁም ባለስልጣን መ/ ቤቱ ጥሪውን አቅርቧል፡፡

#የኢትዮጵያ የምግብና መድሐኒት ቁጥጥር ባለስልጣን

Leave a Reply

This site uses Akismet to reduce spam. Learn how your comment data is processed.