Monday, July 22, 2019
Home > ዜና > በሱዳን ዳርፉር በታጠቁ ወታደሮች 11 ሰዎች ተገደሉ

በሱዳን ዳርፉር በታጠቁ ወታደሮች 11 ሰዎች ተገደሉ

በሱዳን ዳርፉር ክልል ውስጥ የታጠቁ ወታደሮች 11 ሰዎች መግደላቸውን ከተቃውሞ ሰልፎቹ ጋር ግንኙነት ያለው የዶክተሮች ማህበር አስታወቀ።

የሱዳን ዶክተሮች ማዕከላዊ ኮሚቴ እንደገለጸው ሰዎቹ በጥይትና በከባድ ድብደባ ህይወታቸውን ያጡ ሲሆን ወታደሮቹ ደግሞ ጃንጃዊድ የተባለው ወታደራዊ ቡድን አባላት ናቸው ብሏል።

ባሳለፍነው ሳምንት የሱዳን ፈጥኖ ደራሽ ሃይል እንዳስታወቀው የነሱን ወታደሮች መስለው በመግባት ሌሎች ታጣቂዎች ብዙ ግፍ እየፈጸሙ ቆይተዋል።

በተያያዘ ዜና ካሜሩን ውስጥ ቦኮሃራም የተባለው ቡድን 17 ወታደሮችንና ዘጠኝ ንጹሃን ዜጎችን መገደሉ ተሰምቷል።

የሃገሪቱ የደህንነት ሃላፊ እንደገለጹት ቡድኖ ከቅርብ ጊዜ ወዲህ ከባድ ጥቃት እያደረሰ ሲሆን 40 የሚሆኑ አባላቱ በቁጥጥር ስር ውለውበታል።

ቡድኑ እስካሁን ከ27 ሺ በላይ ሰዎችን መግደሉ ሲረጋገጥ፤ በሰሜን ምስራቅ ናይጄሪያ፣ ኒጀር፣ ቻድና ካሜሩን ጠንካራ ይዞታ አለው።

Leave a Reply

This site uses Akismet to reduce spam. Learn how your comment data is processed.