Tuesday, June 25, 2019
Home > ማህበራዊ > ቴሬሳ ሜይ ስለዘመናዊ ባርነት

ቴሬሳ ሜይ ስለዘመናዊ ባርነት

የዓለም መሪዎች በ”ዘመናዊ ባርነት” ላይ እርምጃ የመውሰድ የሞራል ግዴታ አለባቸው – ቴሬሳ ሜይ

************************************

የዓለም መሪዎች ለ”ዘመናዊ ባርነት” ሰለባዎች መብት የመታገል የሞራል ግዴታ እንዳለባቸው የእንግሊዟ ጠቅላይ ሚኒስትር ቴሬሳ ሜይ አሳሰቡ፡፡

በመጪው ወር ስልጣናቸውን የሚለቁት ጠቅላይ ሚኒስትሯ ጥሪያቸውን ያቀረቡት በጄኔቫ ለሚካሄደው የዓለም አቀፉ የስራ ድርጅት ስብሰባ ባዘጋጁት ንግግራቸው ነው፡፡

“የትኛውም መሪ ወንዶች፣ ሴቶችና ሕፃናት ካለፈቃዳቸው ሲታገቱ እያየ እንዳላየ ሊያልፍ አይችልም” ብለዋል ጠቅላይ ሚኒስትሯ ለስብሰባው ባዘጋጁት ንግግራቸው፡፡

በጠቅላይ ሚኒስትሯ አባባል “ዘመናዊው “ባሪያ አሳዳሪነት” በሁሉም የህይወታችን ፈርጆች ይገለጣል – በምንለብሳቸው ልብሶች፣ በምንመገበው ምግብ፣ በምንከፍልባቸው አገልግሎቶች፣ ወዘተ … ይሁን እንጂ ችግሩ የዓለምን ትኩረት ሳይስብ ለበርካታ ዓመታት ቆይቷል”፡፡

ችግሩ በቂ ትኩረት አለማግኘቱ ደግሞ በሰው ስቃይ ለሚነግዱ ሌሎች ሰዎች “ስራቸውን” ካለማንም ከልካይ እንደልባቸው እንዲያጧጡፉት የተመቻቸ ሁኔታን ፈጥሮላቸዋል ብለዋል፡፡

ችግሩ ትኩረት አለማግኘቱ እኛም ሁላችን ከ”ባሮቹ” ከተበዘበዘው ጉልበት አላግባብ እየተጠቀምን እንግልታቸውን ግን እያየን እንዳላየን ፊታችንን እንድናዞር እድል ሰጥቶናል ባይ ናቸው ጠቅላይ ሚኒስትሯ፡፡

ትላልቅ ቢዝነሶችም በ”ዘመናዊ ባርነት” ላይ ያላቸውን አቋም ግልፅ ማድረግ አለባቸው ብለዋል ቴሬሳ ሜይ፡፡

ጠቅላይ ሚኒስትሯ በዚሁ ስብሰባ ላይ በአፍሪካ የግብርና ኢንዱስትሪዎች የህፃናት ጉልበት ብዝበዛን ለመቅረፍ የሚውል የ10 ሚሊዮን ፓውንድ ድጋፍ ይፋ ያደርጋሉ ተብሎ ይጠበቃል፡፡

ምንጭ፡- ቢቢሲ

Leave a Reply

This site uses Akismet to reduce spam. Learn how your comment data is processed.