Tuesday, June 25, 2019
Home > ዜና > የአሜሪካ ከፍተኛ ዲፕሎማት ወደ ሱዳን

የአሜሪካ ከፍተኛ ዲፕሎማት ወደ ሱዳን

የአሜሪካ ከፍተኛ ዲፕሎማት ሱዳንን ሊጎበኙ ነው

***********************************

የአሜሪካ ከፍተኛ ዲፕሎማት በህዝባዊ አመጽ ወደ ምትታመሰው ሱዳን በዚህ ሳምንት ሊያቀኑ እንደሆነ ተገለፀ፡፡

በአሜሪካ የውጭ ጉዳይ ሚኒስቴር የአፍሪካ ጉዳዮች ረዳት ሚኒስትር አምባሳደር ቲቦር ናጂ የሱዳን ወታደራዊ መንግስት በሀገሪቱ ሰላማዊ ህዝብ ላይ የሚሰነዝረውን ጥቃት እንዲያቆም እንደሚጠይቁም ተነግሯል፡፡

በሱዳን ወታደራዊ መንግስትን በማስወገድ ህዝባዊ መንግስት እንዲመሰረት ለማስቻል ከትናንት በስቲያ ጀምሮ የሰራተኞች የስራ ማቆም አድማ መካሄድ መጀመሩ ተጠቅሷል፡፡

በዚህ አድማ የመጀመሪያ ቀን በፀጥታ ሀይሎች በተተኮሰ ጥይትና አስለቃሽ ጭስ የአራት ሰዎች ህይወት ማለፉ ታውቋል፡፡

የአሜሪካው ዲፕሎማት የሱዳን ጉብኝት በሀገሪቱ ተፋላሚ ሀይሎች መካከል ያለውን ልዮነት በውይይት ለመፍታት ምቹ ሁኔታ ለመፍጠር ያለመ እንደሆነ ተመልክቷል፡፡

ዲፕሎማቱ በሱዳን ሱዳን ወቅታዊ ሁኔታ ዙሪያ ከጠቅላይ ሚኒስትር ዶ/ር አብይ አህመድ ጋር እንደሚመክሩም ተገልጿል፡፡

ጠቅላይ ሚኒስትር ዶ/ር አብይ ወታደራዊ ምክር ቤቱንና ተቃዋሚ ሀይሉን በማሸማገል በሱዳን ያለውን ቀውስ ለመፍታት ጥረት እያደረጉ መሆኑ ይታወቃል፡፡

ምንጭ፦ ቢቢሲ

Leave a Reply

This site uses Akismet to reduce spam. Learn how your comment data is processed.