Tuesday, June 25, 2019
Home > ማህበራዊ > ከተፈናቀሉ 3 ሚሊዮን የሚጠጉ ዜጎች መካከል

ከተፈናቀሉ 3 ሚሊዮን የሚጠጉ ዜጎች መካከል

በአገሪቱ በአንዳንድ አካባቢዎች በተለያዩ ምክንያቶች የተፈናቀሉ 3 ሚሊዮን ከሚጠጉ ዜጎች 1 ነጥብ 8 ሚሊዮኑ ወደ ቀድሞ ቀያቸው መመለሳቸው ተጠቆመ፡፡

‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹

በአገሪቱ በአንዳንድ አካባቢዎች በተለያዩ ምክንያቶች የተፈናቀሉ 3 ሚሊዮን ከሚጠጉ ዜጎች 1 ነጥብ 8 ሚሊዮኑ ወደ ቀድሞ ቀያቸው መመለሳቸው ተጠቆመ፡፡ቀሪዎቹም አስከ ሰኔ 30 ድረስ ባሉት 23 ቀናት ውስጥ እንደሚመለሱ የሰላም ሚኒስትሯ ወይዘሮ ሙፈሪሃት ካሚል ገልፀዋል፡፡

በሀገሪቱ በተለያዩ አካባቢዎች የተፈጠሩትን የፀጥታ ሁኔታ በመፍታት በተለይም ከቤት ንብረታቸው የተፈናቀሉ ዜጎችን በመመለስና መልሶ በማቋቋም የተከናወኑ ተግባራት፣ ያጋጠሙ ችግሮችና በቀጣይ መሰራት ስላለባቸው ጉዳዮች ከሚመለከታቸው ባለድርሻ አካላት ጋር ሚኒስትሯ ምክክር አካሂደዋል፡፡

በምክክር መድረኩ የተገኙት የሰላም ሚኒስትሯ ወ/ሮ ሙፈሪያት ካሚል የተፈናቀሉ ዜጎችን ለመመለስ የተለያዩ ጥረቶችን በማካሄድ በሀገር አቀፍ ደረጃ ግብረ ሃይል በማቋቋም ውጤታማ ስራ መከናወኑንም ሚኒስትሯ ተናግረዋል፡፡

ይህም ቀጣ ቀሪዎቹን ለመመለስ እስከ ሰኔ 30 ድረስ ለማጠናቀቅ የቅድመ ዝግጅት ስራዎች እየተከናወኑ መሆናቸውንም ወይዘሮ ሙፈሪሃት ገልፀዋል፡፡

የአደጋ ስጋትና ስራ አመራር ኮሚሽን ኮሚሽነር አቶ ምትኩ ካሳ በሀገሪቱ የተፈጠረውን የፀጥታ ሁኔታን አስመልክቶ ሪፖርት ያቀረቡ ሲሆን በተለይም በፀጥታ ዙሪያ ያጋጠሙ ችግሮችን በመለየት በቀጣይ ችግሮቹን ለመሻገር ትኩረት ተደርጎ አንደሚሰራ ተናግረዋል፡፡

ሪፖርተር፡- ፀሃይነሽ ትኩእ

Leave a Reply

This site uses Akismet to reduce spam. Learn how your comment data is processed.