Saturday, February 29, 2020
Home > ማህበራዊ > በደቡብ አፍሪካ 24 ሰዎች

በደቡብ አፍሪካ 24 ሰዎች

ደቡብ አፍሪካ ውስጥ 24 ሰዎች በአንድ የትራፊክ አደጋ ሞቱ

…………………………………………………………….

በደቡብ አፍሪካዋ ሊምፖፖ ግዛት ሰሜን ምዕራብ ውስጥ ትናንት እሁድ በአንድ ሚኒባስና አውቶብስ መካከል ባጋጠመ የትራፊክ አደጋ 24 ሰዎች መሞታቸውን የሃገሪቱ ትራንስፖርት መስሪያ ቤት ቃል አቀባይ አስታወቁ።

ቃል አቀባዩ እንዳሉት በግዛቲቱ ይካሄድ ከነበረ የወጣቶች ቀን ክብረ በዓል ሲመለስ የነበረው ሚኒባስ መጫን ከሚገባው በላይ አስር ሰዎችን አሳፍሮ ነበር።

በዚህ አሰቃቂ አደጋ ህይወታቸውን ያጡት በሙሉ በሚኒባሱ ውስጥ ተሳፍረው የነበሩት ናቸው።

ኒውስ 24 የተባለው የመገናኛ ብዙሃን እንደዘገበው ከአውቶብሱ ተሳፋሪዎች ሦስቱ ብቻ የመቁሰል ጉዳት ደርሶባቸዋል።

የደቡብ አፍሪካ የመንገድ ትራፊክ አስተዳደር ኮርፖሬሽን ለአደጋው ምክንያት ሊሆን ይችላል ያለው በአደገኛ መታጠፊያ ላይ አንደኛው አሽከርካሪ መኪናውን መቆጣጠር አቅቶት መኪኖቹ ፊት ለፊት በመላተማቸው ነው።

የኮርፖሬሽኑ ከፍተኛ ኃላፊ እንደተናገሩት “በጣም አሰቃቂ ሁኔታ ነው ያጋጠመን፤ ለዚህ ደግሞ ምክንያቱ የአሽከርካሪዎች ቸልተኝነት ነው” ብለዋል።

Leave a Reply

This site uses Akismet to reduce spam. Learn how your comment data is processed.