Wednesday, November 13, 2019
Home > ዜና > የመፈንቅለ መንግሥት ሙከራ በሱዳን

የመፈንቅለ መንግሥት ሙከራ በሱዳን

የመፈንቅለ መንግሥት ሙከራ በሱዳን

የሱዳን ጦር ትናንት ምሽት የመፈንቅለ መንግሥት ሙከራን በማክሸፍ ቢያንስ 16 የሚሆኑ ተጠርጣሪ የፀጥታ ኃይላትን ማሰሩን አስታወቀ።

የወታደራዊው ምክር ቤት የፀጥታ ኮሚቴ ኃላፊ ጀነራል ሻማል ኦማር ኢብራሂም እንደገለፁት፤ የመፈንቅለ መንግሥቱ አላማ በጦሩ እና በተቃዋሚዎች መካከል ባለፈው ሳምንት ስልጣን ለመጋራት የተደረሰውን ስምምነት ለማክሸፍ ነው።

እስካሁን በርካታ ባለስልጣናት እና ወታደሮች በቁጥጥር ስር የዋሉ ሲሆን የመፈንቅለ መንግሥቱ አዛዦች ግን ገና እየተፈለጉ እንደሆነ ተገልጿል።

የጦር አመራሮች እና ተቃዋሚዎች ስልጣን ለመጋራት የደረሱበት ስምምነት ነገ ቅዳሜ ለፊርማ ይበቃል ተብሎ እየተጠበቀ ነው። የቀድሞው ፕሬዚዳንት ኦማር አል በሽር በወታደራዊ ኃይል ከስልጣን ከተወገዱ በኋላ ሱዳን ውስጥ ወታደራዊ ኃይሉ ስልጣኑን ለሲቪል አመራሮች እንዲያስረክብ ለሳምንታት የተቃውሞ ሰልፎች ሲካሄድ ቆይቷል።

Leave a Reply

This site uses Akismet to reduce spam. Learn how your comment data is processed.