Wednesday, August 21, 2019
Home > ዜና > አውሮፕላን ላይ “ጢል” ብሎ ለመጓዝ ያሰበው ናይጄሪያዊ

አውሮፕላን ላይ “ጢል” ብሎ ለመጓዝ ያሰበው ናይጄሪያዊ

አውሮፕላን ላይ “ጢሎ” ብሎ ለመጓዝ ያሰበው ናይጄሪያዊ በቁጥጥር ሥር ዋለ

……………………………………………………………….

አርብ ዕለት ሌጎስ ከሚገኘው ሙርታላ ሙሀመድ አውሮፕላን ማረፊያ ለመነሳት እያኮበኮበ የነበረ አውሮፕላን ክንፍ ላይ ተንጠልጥሎ የታየው ግለሰብ የተሳፋሪ፣ የአብራሪና የአየር መንገዱን ሠራተኞችም ልብ በድንጋጤ አቁሟል።

ግለሰቡን ያዩት አውሮፕላኑ ውስጥ ተሳፍረው የነበሩ ሰዎች ሲሆኑ፤ ወዲያውኑ ድንጋጤያቸውን መቆጣጠር አቅቷቸው ጩኸታቸውን አቅልጠውታል።

ከዚያም “ፓይለት አውሮፕላኑን አቁመው!” ብለው በጩኸት ሳይጠይቁ አልቀሩም።

ወዲያውኑ ፓይለቱ የተፈጠረውን ለትራፊክ ተቆጣጣሪዎች አሳውቆ ግለሰቡ በቁጥጥር ሥር የዋለ ሲሆን፤ ምርመራ እየተካሄደ መሆኑን የናይጄሪያ ፌደራል አየር መንገዶች ባለሥልጣን ቃል አቀባይ ለመገናኛ ብዙኀን ተናግረዋል።

ጉዞውን ወደ ፖርት ሀርኮርት ሊያደርግ የነበረው አውሮፕላን በድጋሚ ከእግር ጎማው እስከ ሆድ እቃው ድረስ ከተበረበረ በኋላ ጉዞውን ቀጥሏል።

በናይጄሪያ የአቪየሽን ባለሥልጣናት የአውሮፕላን ክንፍ ላይ የተንጠላጠለውን ሰው ማንነት ለማወቅ እየሞከሩ ነው።

Leave a Reply

This site uses Akismet to reduce spam. Learn how your comment data is processed.