Friday, December 6, 2019
Home > ማህበራዊ > የአፍሪካ እግር ኳስ ዋንጫ ፍፃሜ

የአፍሪካ እግር ኳስ ዋንጫ ፍፃሜ

የአፍሪካ እግር ኳስ ዋንጫ ፍፃሜ ዛሬ ምሽት በጉጉት ይጠበቃል

በአፍሪካ እግር ኳስ ዋንጫ ፍፃሜ ሴኔጋል ከአልጄሪያ ዛሬ ወሳኝ ጨዋታ ያደርጋሉ፡፡

የሴኔጋሉ ኮከብ ሴዶ ማኔ በዛሬው ጨዋታ በአውሮፓ ቻምፒዮንስ ሊግ ከሊቨፑል ጋር ያሳካዉን ድል ከብሄራዊ ቡድኑ ለመድገም ህልም እንዳለው ነው የተናገረው፡፡

በታሪኳ ለመጀመሪያ ጊዜ የአፍሪካ እግር ዋንጫን ለማንሳት ዛሬ ከአልጄሪያ ጋር ለሚኖራት ጨዋታ ከመቼዉም ጊዜ በላይ ዝግጁ መሆኑን የተናገረወ ሴዶ ማኔ ተጋጣሚያቸው አልጄሪያ ጠንካራ ቡድን ነው፤ አሸንፈን ዋንጫዉን ለመሳም ተዘጋጅተናል ሲል ተናግሯል፡፡

የአልጄሪያው ብሄራዊ ቡድን ዋና አሰልጣኝ ድጃሜል ቤልማዲ ከጫወታው በፊት በሰጡት አስተያየት ተዓምረኛ ሰራተኛ ወይም ፖለቲከኛ አይደለሁም፤ ነገር ግን ዋንጫዉን ለሁለተኛ ጊዜ ለማሸነፍ የምንችለዉን ሁሉ እናደርጋለን ብለዋል፡፡

በሁለቱም ቡድኖች መካከል በወሳኝ ተጨዋቾች የጉዳት ዜና ባይኖርም ሴኔጋል የወሳኝ ተከላካዩን ካሊዶ ኩሊባሊን ግልጋሎት በቅጣት ምክንያት አታገኝም፡፡

የአፍሪካ እግር ኳስ ዋንጫ ፍፃሜ ጫዋታ በካይሮ አለም አቀፍ ስታዲየም ዛሬ ምሽት አራት ሰዓት እንደሚካሄድ ካፍ ያወጣው መርሃ ግብር ያስረዳል፡፡

ጨዋታዉን ካሜሮናዊ ኢንተናሽናል አልቢትር አሊዮም አሊዮም በመሃል ደኛነት ይመሩታል፡፡

የአልጄሪያው የሽግግር መንግስት ፕሬዝዳንት አብድል ቃድር ቤን ሳላህ ጨዋታዉን ለመታደም ወደ ግብፅ ማቅናታቸዉም ታውቋል፡፡

ቢቢሲ

Leave a Reply

This site uses Akismet to reduce spam. Learn how your comment data is processed.