Saturday, December 14, 2019
Home > ቴክኖሎጂ > በኢትዮጲያ የ30 አመት መረጃዎችን ሊያሳይ የሚችል ቴክኖሎጂ

በኢትዮጲያ የ30 አመት መረጃዎችን ሊያሳይ የሚችል ቴክኖሎጂ

የ30 አመት መረጃዎችን ሊያሳይ የሚችል ዲጂታል የመሬት ምልከታ ቴክኖሎጂ በኢትዮጵያ እውን ሊሆን ነው

*******************************

የ30 አመት መረጃዎችን ሊያሳይ የሚችል ዲጂታል የመሬት ምልከታ ቴክኖሎጂ በኢትዮጵያ ለመዘርጋት እንቅስቃሴ መጀመሩን የኢኖቬሽንና ቴክኖሎጂ ሚኒስቴር አስታወቀ፡፡

በዘርፉ የካበተ ልምድ ያላት አውስትራሊያ ይህንን የቴክኖሎጂ እውቀት ለኢትዮጵያ ለማካፈል ዝግጁ መሆኗን አስታውቃለች፡፡

የኢኖቬሽንና ቴክኖሎጂ ሚንስትር ዴኤታው ጀማል በከር ቴክኖሎጂውን በኢትዮጵያ ብሎም በአፍሪካ ለመዘርጋት የሚንቀሳቀሰውን ቡድን ከሚመሩት ዶ/ር አዳም ሊውስ ጋር መክረዋል፡፡

ሚንስትር ዴኤታው ቡድኑ በአፍሪካ ውስጥ የጀመረውን እንቅስቃሴ መሰረት አድርገው ለኢትዮጵያ ቅድሚያ ሰጥተው እንዲሰሩ ጠይቀዋል፡፡

ቴክኖሎጂው የከርሰ ምድር ውሃ፣ ማዕድን ያለበትን ቦታ እና የአፈር ሁኔታን መለየት ከማስቻል ባለፈ የደን ሃብትን ለመቆጣጠር እንደሚረዳ ተነግሯል፡፡

ከዚህም ባሻገር ቴክኖሎጂው እስከ 30 አመት የሚደርሱ መረጃዎችን ማሳየት የሚያስችል ነው ተብሏል፡፡

በዘርፉ ከፍተኛ ልምድ ካላት አውስትራሊያ ተሞክሮ ይወሰዳል ያሉት የኢኖቬሽንና ቴክሎጂ ሚንስትር ዴኤታው ጀማል በከር ከጂኦ ስፓሻል ኢንስቲትዩት ጋር በቅንጅት በመስራት የቴክኖሎጂ ሽግግር ለመፍጠር ይሰራል ብለዋል፡፡

ምንጭ፦ የኢኖቬሽንና ቴክኖሎጂ ሚኒስቴር

Leave a Reply

This site uses Akismet to reduce spam. Learn how your comment data is processed.