Saturday, December 14, 2019
Home > ማህበራዊ > ዘረኞች መድሀኒት ይፈለግላቸው!

ዘረኞች መድሀኒት ይፈለግላቸው!

ዘረኝነትን የሚያወግዙት ዘረኞች መደሀኒት ይፈለግላቸው!

ባለፉት 27 ዓመታት ዘረኝነትን በማውገዝ ኢትዮጵያዊነትን በመስበክ ፅንፈኛ ዘረኞችን በማውገዝ ወደር የሌለው ሕዝብ የአማራ ብሄረሰብ ዋነኛው ነበር ብንል ማጋነን አይደለም::

ይህን የምንልበት ምክንያትም ሰሞኑን የትራንስፖርት ሚኒስትር በሆኑት ወ/ሮ ዳግማዊት ሞገስ ላይ እየተነዛ ያለው የሀሰት ትርክት ተጠቃሽ ነው::

አያትሽ ዳቻሳ ይባላል በሚል የፈጠራ ታሪክ በግድ የዚህ ዘር ውልድ ነሽ የሚል የፈጠራ ውንጀላ በወ/ሮ ዳግማዊ ሞገስ ላይ ተጀምሯል እና ነው::

እነዚህ በዘርኝነት ያበዱ ግለሰቦች ኢትዮጵያዊ የሚባል ሰው የብዙ ብሄረሰብ ስብጥር መሆኑን እያወቁ ብትሆን እንኳ ዳግማዊ እንዲህ ነሽ ሌላ ነሽ በማለት ከሌላ ፕላኔት የመጣች ለማስመሰል የሚደረገው ዘመቻ ትዝብት ላይ የሚጥል ሆኗል::

ዳግማዊት ሞገስ የኦሮሞ ዘር ቢኖርባትስ ችግሩ ምንድን ነው? እንዳንድ የኦሮሞ አክቲቭስቶች ኢትዮጵያዊ ሆነው ለምን ዘረኛ ሆኑ? እያልን

በኦሮሞነታቸው ኢትዮጵያዊነትን ሲያገሉ ስናወግዝ እየዋልን ኢትዮጵያዊ የሆኑ የኦሮሞ ዘር ያለባቸውን ነው በሚል የፈጠራ ወሬ ሰዎች ማውገዝ ምን ይባላል?

ሚኒስትር ዳግምዊት ሞገስ ምትለካው በሀሰት አያትሽ ስም እንዲህ ነው ሳይሆን ሀገርዋን በታማኝነት ለማገልገል በተሰጣት የስራ ሀላፊነት ብቻ መሆን ሲገባው ለምን አማራነትሽን መረጥሽ ተብላ መፈረጇ ያስተዛዝባል::

ዳግማዊት ሞገስ በማንነትሽ ምንም ሆንሽ ምን በኢትዮጵያዊነትሽና በስራሽ ብቻ እንመዝንሻለን::በርቺ!!!

Leave a Reply

This site uses Akismet to reduce spam. Learn how your comment data is processed.