Wednesday, October 16, 2019
Home > ማህበራዊ > በቴክሳስ የገበያ ማዕከል በደረሰው የጅምላ ተኩስ 20 ሰዎች ሞቱ

በቴክሳስ የገበያ ማዕከል በደረሰው የጅምላ ተኩስ 20 ሰዎች ሞቱ

በቴክሳሷ ኤል ፓሶ ከተማ በደረሰው የጅምላ ተኩስ 20 ሰዎች መሞታቸውን እና 26 ሰዎች መቁሰላቸው ተነገረ፡፡

በቴክሳሷ ኤል ፓሶ ከተማ በደረሰው የጅምላ ተኩስ 20 ሰዎች መሞታቸውን እና 26 ሰዎች መቁሰላቸውን የከተማዋ ባለስልጣናት አስታውቀዋል፡፡

ጥቃቱ የደረሰውም በዎልማርት የገበያ ማዕከል ውስጥ ሲሆን የከተማዋ አስተዳደር ግሬግ አቦት በቴክሳስ ከታዩ አስከፊ የግዳይ ታሪኮች መካከል በጣም አሰከፊው ቀን ሲሉ ሁኔታውን ገልፀዋል፡፡

በአሜሪካ ሜክሲኮ ድንበር በሚገኘው የገበያ ማዕከል ለተፈፀመው ጥቃት የተጠረጠረው ግለሰብም የ21 ዓመት ወጣት ሲሆን ከቴክሳሳ አንድ ሺህ 46 ኪ.ሜ የምትርቀው ዳላስ ግዛት አለን ከተማ ነዋሪ ነው፡፡

ስሙ በይፋ ባይገለፅም የአሜሪካ የመገናኛ ብዙኃን ግለሰቡን ፓትሪክ ክሩሲስ ሲሉ እየጠሩት ነው፡፡

የሀገሪቱ ፕሬዚዳንት ዶናልድ ትራምፕ ጥቃቱን የፈሪ ሰው ተግባር ሲሉ ገልጸውታል፡፡

“እኔ ዛሬ የደረሰውን የጥላቻ ተግባር በሚቃወሙ ሰዎች ጎን እቆማለው ማንም ቢሆን እንዲህ አይነቱን ተግባር ሊኮንንነው ይገባል” ሲሉም በቲውተር ገፃቸው ላይ አስፍረዋል፡፡

በጥቃቱ ከሞቱት መካከል ሶስቱ የሜክሲኮ ዜግነት ያላቸው ሲሆን የአሁኑ የጦር መሳሪያ ጥቃት የተፈፀመውም በካሊፎረኒያ የምግብ ፌስቲቫል ላይ አንድ ወጣት ለ3 ሰዎች ሞት ምክንያት የሆነውን ጥቃት ከፈፀመ ከአንድ ሳምንት በኋላ ነው፡፡

የቴክሳሱ ጥቃት በአሜሪካ ዘመናዊ ታሪክ ከተፈጸሙ ጥቃቶች መካካል 8ኛው ከፍተኛ ጉዳት የደረሰበት ጥቃት ነው፡፡

ቢ ቢ ሲ

Leave a Reply

This site uses Akismet to reduce spam. Learn how your comment data is processed.